Март 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Яркәү районы, Яңа Кәешкүл урта мәктәбенең 5 сыйныф укучысы Айдар Абдразаков татар мәдәнияте көннәрендә район «Таң йолдызы» бәйгесендә үзенең яраткан җырчысы Ринат Рәхмәтуллин репертуарыннан “Тукта, яңгыр” җырын башкарып, тамашачыларны дәртләндерде. Җырга осталыгы аның әтисеннән күчкән, күрәсең, чөнки балачагында Марат та авылдашларын матур җырлар белән сөендергән, төрле бәйгеләрдә катнашып дәрәҗәле урыннар яулаган. Ә хәзер Айдар әтисенең иҗат юлын дәвам итә. Ә менә сәхнәдә үзеңне тоту тәртипләренә, җырларның сүзләрен өйрәтү, милли костюм булдыру кебек эшләрне укытучылары Оксана Тимергалиева белән Рәшидә Баватдинова башкаралар.
Айдар беренче мәртәбә авыл сәхнәсенә 2нче сыйныфта укыганда чыга. Аннары сәләтле җырчы район бәйгеләрендә катнаша башлый. Үткән ел “Таң йолдызы” район балалар фестивалендә ул 1 урын яулый. Моннан башка Айдар туган телдә сәнгатьле итеп шигырьләр дә сөйли, укуда да сынатмый. Абдразаковлар гаиләсендәге 4 малай арасында Айдар иң зурлары. Шуңа йорт-хуҗалык эшләре аның җилкәсендә, энеләрен тәрбияләргә, дәресләрен әзерләргә булышучы да ул. Буш вакытларында Айдар якын дусты Ислам Халиков белән волейбол түгәрәгенә йөри, кышын чаңгыда шуалар.
Рәүфә КАНГАЗИНА.