Март 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән өлкә Думасы депутаты Николай Токарчук «Бердәм Россия» волонтерлары белән бергә Алиевлар гаилә парын Зөбәрҗәт туйлары белән котлады. Бу хакта “Бердәм Россия”нең Instagram рәсми төркемендә хәбәр ителә.
Әгъзам һәм Сәйникамал Алиевлар бергә гомер итүләренә 55 ел тулган. Алар инде ярты гасырдан артык шатлыкта да, авыр минутларда да бер-берсенә терәк, ярдәм итүче нык гаилә үрнәге булып торалар. Күп еллар дәвамында иңне-иңгә куеп ирле-хатынлы Алиевлар сәнәгать предприятиеләрендә эшләп Төмән шәһәре файдасына хезмәт күрсәткәннәр.
Бүгенге көндә алар Төмән районы, Индрәй авылының хөрмәтле пенсионерлары һәм горурлыгы булып торалар. Алиевлар гаиләсе белән очрашудан соң, депутат Николай Токарчук: “Безгә бу искиткеч пардан үзара хөрмәт, ярдәм һәм хезмәт сөючәнлеккә өйрәнергә кирәк, алар безгә гаиләдә бөтен уртак гомер дәвамында мәхәббәт, тынычлык һәм гармонияне саклап калу үрнәген күрсәтәләр”, - дип билгеләп үтте.
Депутат гаилә тормышы юбилярларына Төмән өлкәсе губернаторының Рәхмәт хатын, кыйммәтле бүләкләр һәм азык-төлек җыелмасы тапшырды.
Ләйлә МАДЬЯРОВА.