Март 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
”Валентина” шәхси җитәкчесе Валентина Алексеевна Семёнованың Түбән Тәүде районы, Эске авылында ике кибете бар. Кечерәге нәкъ Эскенең уртасында, ә зурысы Эске белән Чугунаево чигендә урнашкан. Зур кибетнең бер ягында азык-төлек, ә икенче бүлмәсендә промышленность тауарлары тезелеп киткән. Кибетләрдә 4 сатучы эшли. Валентина Алексеевна үзе тауар ташый, тормыш иптәше “Петрович”, без аны шулай дип йөртәбез, бик тырыш, хатынына булыша. Йортларында зур хуҗалык тоталар, терлекләрнең итен халыкка саталар. Ишек алдында техникалары да күп. Валентина гади, кеше хәленә керә белүче хатын-кыз.
Менә шул Валябыз 8нче март көнне тауарын сатып алучы хатын-кызларга түләүсез шатлыклы бәйрәм ясады. Кибет янындагы мәйданда сыер итеннән зур казанда шулпа пешерделәр. Өстәлләрдә төрле сый-нигъмәт булды. Кибет эченнән чәйнекләрдә кайнатып кайнар чәй чыгардылар. Агылып музыка уйнады. Авылдашларының исен алды Валя. Тәмле-татлы ризыкларын хатын-кызлар гына түгел, ирләр дә, балалар да тәмләделәр. Кибеткә кергән һәр кешене сыйладылар. Сатып алучылары хуҗага рәхмәт әйттеләр, исәнлек-саулык теләделәр.
Рәхимҗан МУЛЛАКОВ, Түбән Тәүде районы, Эске авылы.