Декабрь 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Быел клуб хезмәткәрләренә ярдәм итүчеләр активлыгы зур булды. Россиянең Мактаулы укытучысы Гөлнура Давыт кызы Фәйзуллина һәм аның ярдәмчесе Рәисә Таштимер кызы Сафиуллина “Яшь йөрәкләр!” ветераннар ансамбле белән берлектә, үз теләкләре белән, бик тә эчтәлекле, күңелләрдә уелып калырлык кызыклы “Үткәннәр сагындыра” кичәсен үткәрделәр.
Элекке талантлы авылдашларның кичке уен, кичәләрдә сәхнәдән тамаша итүләрен, чыгышларын ачыклап искә алдылар.
Рәис Сәитчабаров авылда унга якын гармунчы булуын, дүрт-биш ир-егетнең сәхнәдә матур көйләр уйнап, авылдашларны сөендерүләрен сөйләп хәтерләрне яңартты, үзе дә баянында берничә моңлы көй сыздырды.
Әниләр көненә багышланган “Ана – бөек исем” бәйрәм кичәсен дә шул ук коллектив бик тирән эчтәлекле, зур әзерлек белән тамаша итте. Әйе, һәр шигъри юл, ялгыз, ансамбль җырларында һәркем әниләргә карата күңелендә иң нечкә, тирән хисләр булуын күрсәтә бардылар, назлы җылы кочагы, ару белмәс куллары, һәркемгә яшәргә көч бирүче изге теләкләре - Ананың бөеклеге шунда бит. Илһамланып сөйләнгән шигырьләрне һәркем бирелеп тыңлады. Бер ярым сәгать концерт барышында ветеран әбиләр өч-дүрт төрле милләт биюләрен башкардылар. Илаһи матур җырлаучы, биюче кызларга карап сокландык.
Тамашачылар бирелеп, яратып, кызыксынып карадылар, алкышларны кызганмадылар, рәхмәт сүзләре күп булды.
Сәкинә НОТФУЛЛИНА, Вагай районы, Юрмы авылы.