Июнь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
17 июньдә «ASTANA» банкет-холлында «Хәлиф» бренды астында «Төмән бройлеры»ның яңа «Хәләл» продукциясен тәкъдим итү чарасы булып узды. Мөселман җәмәгатьчелеге өчен махсус эшләнгән һәм махсус маркировка белән билгеләнгән «Хәлиф» сәүдә маркасы продукциясенең ассортименты артты. Бу «Хәләл» продукциясе шәригать кануннарына җавап бирә. Ассортимент даими камилләшә бара. Туңдырылган түшкәләрдән тыш, азык-төлек һәм котлетлар, казылык, фарш, казылган күкрәк, сосиска һәм башка бик күп тәмле ризыклар чыгарыла.
Чакырылган кунаклар арасында Төмән өлкәсе мөселманнары Диния нәзарәте рәисе, мөфти Зиннәт хәзрәт Садыйков үзенең мөселманнары, шулай ук төрле иҗтимагый мөселман оешмалары вәкилләре булдылар. 
Аларны «Хәлиф» бренды астындагы продукциянең яңа ассортиментын төзүдә турыдан-туры катнашкан «Төмән бройлеры» хезмәткәрләре үзләренең яңа продуктлары белән таныштырдылар, шулай ук аларга «Хәлиф» продукциясенең нинди шартларда һәм ничек эшләнүе турында видеоролик тәкъдим ителде. Чара барышында мөфти Зиннәт хәзрәт Садыйковка «Төмән бройлеры» кошчылык фабрикасыннан Рәхмәт хаты тапшырылды. Ә Зиннәт хәзрәт «ПРОДО Төмән бройлеры»ның генераль директоры Оксана Величкога яңа продукциягә сыйфат сертификаты бирде.
Банкет-холлда чакырылган кунаклар өчен фуршет өстәле оештырылган иде. Моннан башка кунакларга “Хәлиф» бренды астындагы презентация продуктларын бүләккә биреп җибәрделәр.
Ләйлә МАДЬЯРОВА.