Апрель 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән районының Индрәй авылында эшчән, дус, кеше кайгысын үзенеке итеп кабул итеп, авыр вакытта да, шатлыкта да булышырга әзер тора торган халык яши.
Сәлиха Булатованың январь аенда өе янып китеп, зур кайгылы булып куйды. Бу янгын сүндерүдә булышып, авыл думасы җитәкчесе Рөстәм Арипов җитәкчелегендә авыл яшьләре янган түбәне сүтеп, тирә-якны чистарттылар. Матди ярдәм күрсәтү өчен авыл халкыннан: ветераннар советы – пенсионерлардан, депутатлар – үз сайлау округларыннан акча җыюны оештырдылар. Мөселман дини оешмасы үз фондыннан шактый зур күләмдә акча бүлеп бирде.
Сәлиха Айса кызы авыл халкына, бигрәк тә Индрәй мәчете мөселман оешмасы рәисе Хәмзә Камаловка, Рөстәм Ариповка, ветераннар – Хәмидә Хәкимовага, Хәсимә Биктимировага, Асия Вәлишинага, депутатлар – Газиз Тилимбаевка, бу мәкаләнең авторына зур рәхмәтен җиткерә.
Булышырга теләүчеләр янгыннан зыян күргән Сәлиха Булатовага мөрәҗәгать итсеннәр иде. “Аз кайгыны аш баса, күп кайгыны дус баса”, дигән бит борынгылар.
Нурзия ШАКИРОВА, Төмән районы, Индрәй авылы.