Ирләр кибете

Подробности

Опубликовано 17.03.2017 11:15

Просмотров: 708

Бервакыт хатын-кызлар үзләренә тормыш иптәшен сайлап алсыннар өчен махсус “Ирләр кибете” ачыла. Аның ишегенә кибеттә үзеңне дөрес тоту кагыйдәләре:

1. Кибеткә бер мәртәбә генә керергә рөхсәт ителә.

2. Кибет 6 каттан тора, югарыга күтәрелә барган саен, ир-атларның да сыйфатлары арта гына бара.

3. Теләсә кайсы ир-атны да сайлап алып була, беркемне дә ошатмаган очракта, өстәге катларга күтәрелергә мөмкин.

4. Яңадан аскы катларга кереп сайлау катгый рәвештә тыела, - дип язып эленгән була.

Менә шул “Ирләр кибетенә” бер хатын-кыз үзенә хәләл җефете эзләп керә. Беренче каттагы “Эш урыннары булган ирләр” дигән язуны укыган да, шунда ук 2нче катка менгән. Анда: “Эшләүче һәм балалар яратучы ирләр”, - дигән язу эленеп торган. Әлеге кыз тизрәк 3нче катка күтәрелгән. Биредә: “Эшләүче һәм балалар яратучы бик матур ир-егетләр”, - дигән язуны укыгач: “Менә сиңа мә!” – дип гаҗәпләнгән дә, югары катка юл тоткан. 4нче катта: “Эшләүче, балалар яратучы, хуҗалыкта булышучы бик матур ир-егетләр”, - дигән сүзләрне укыгач: “Кеше ышанмаслык хәл! Ничек түзәсең инде!” – дип әйтсә дә, бераз икеләнеп торганнан соң, юлын дәвам иткән. 5 катта: “Эшләүче, балалар яратучы, хуҗалыкта булышучы, романтик бик матур ир-егетләр”, - дип язылганны укып, калырга теләгән. Ләкин, кызыксынучанлыгы өстенлек алып, ул соңгы катка да менгән. Биредә аны: “Сез бу катта 31 456 012нче хатын-кыз. Кызганычка каршы, бу катта ир-егетләр юк. 6 кат - хатын-кызларны берничек тә канәгатьләндереп булмаячагын тагын бер кабат дәлилләр өчен булдырылган. Кибетебезгә килгәнегез өчен рәхмәт”, - дигән язу көткән була...

Ә бу “Ирләр кибете” каршысында “Хатыннар кибете” ачылган була. Аның беренче катында: “Секс яратучы хатын-кызлар”, икенче катында: “Секс яратучы бай хатын-кызлар”, - дип язылган. Тик, ни гаҗәп, 3нче каттан югары күтәрелүче табылмаган.

Интернеттан. (Рәүфә КАНГАЗИНА тәрҗемәсе).