Салаватның улы өйләнә

Подробности

Опубликовано 04.03.2022 04:00

Просмотров: 413

Татарстанның халык артисты Салават Фәтхетдиновның улы Рөстәм Чаллы шәһәрендә узган автоузышлар алдыннан сөйгәне Рүзия Бәшировага кияүгә чыгарга тәкъдим ясады. Бу турыда үзенең фикерен белдереп:

- Улым минем белән киңәшләште, әлбәттә. Мондый җитди адымны хоккейчылар хоккей вакытында, футболчылар футбол ярышларында ясый. Рөстәм - олы хәрефтән язардай автоузышчы, ул Россия чемпионы һәм мондый тәкъдимне дә бөтен кеше җыелган автоярышлар вакытында ясарга теләге булуын белдерде.

Мин: «Яхшылап уйладыңмы?» дип сорадым. «Әйе», - диде ул миңа. Шуннан сөйләштек аның белән. Улыма: “Ярата белү - бик әйбәт”, - дидем. Тик алга таба шул мәхәббәтне саклап калырга кирәклеген дә аңлаттым. Улымны бик яратам һәм бары тик бәхет, сәламәтлек кенә теләп калам. Эмоцияләрем ташый бүген, - дип сөйли Салават Фәтхетдинов.

“Татар информ”