Сентябрь 2020 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Утыз ел гомерем “Яңарыш” белән бәйләнгән. Азмы бу, күпме?! Әлбәттә югары бәя бирергә җитәрлек! Шушы утыз ел дуслык өчен мин Аллаһы Тәгаләгә шөкер әйтәм.
“Яңарыш” минем кулларыма эләгүгә, мин үземне чын татар итеп хис иттем, горурлык хисе мине биләп алды. Ниһаять, безнең өлкәдә дә татарның тормышы гөрләп китәр дип уйладым. Ул елларда яшь укытучы буларак, балалар белән бергә чиле-пешле мәкаләләр яза башладык, Азат Сәгыйтовның тәнкыйтенә дә эләккән моментлар бар иде, ләкин аның үгет-нәсыйхәтләре безне үстереп, берлектә эшләргә генә юнәлгән иде.
“Яңарыш” булганга, аның кызыклы итеп эш алып баруына, һәр укучыга үзенең игътибарын югалтмаганына мин баш иеп, чиксез рәхмәтемне белдерәм. Шушы еллар эчендә күпме сәләтле каләм ияләре гәзитебезне гөрләтеп алып бардылар. Баш мөхәррир Алсу Сәгыйтова, җаваплы секретарь Гөлнур Вәлишина һәм башка хемәткәрләр - Сез халкыбыз өчен искиткеч зур тугрылык белән тырышып эшлисез. Киләчәктә дә гәзитебез гөрләп яшәр, чөнки Сез чәчкән орлыклар шытып чыгып чәчәк ата. «Яңарыш»ыбыз озын гомерле булсын! Аны дөньяга чыгаручыларга иҗади уңышлар, сәламәтлек, гаилә бәхете телим! Сезнең эшегез ни дәрәҗәдә авыр һәм җаваплы икәнен мин бик яхшы аңлыйм! Сез милләтебез өчен тырышасыз! Сабырлык Сезгә!
Хөрмәт һәм ихтирам белән Төмән районының барлык
укытучылары исеменнән Гүзәлия МУЛЛАЧАНОВА, Шыкча авылы.