Декабрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәре себер-татар мәдәният үзәге Михайловский махсус интернатында концерт куеп, биюләр күрсәтеп, рус һәм татар телендә җырлар, такмаклар башкарып якташларыбызның күңелләрен күтәреп кайттылар. Монда яшәүчеләр өчен уңай шартлар тудырылган. Аларны әйбәт ашаталар, өс-киемнәре чиста, китап укырга теләүчеләр өчен китапханә дә бар. Медицина хезмәткәрләре ярдәмгә килергә әзер. Интернат җитәкчесе Ольга Парахина себер-татар мәдәният үзәгеннән килүче җырчыларны интернатта яшәүчеләр көтеп алганнары турында әйтеп, артистларга, оештыручыларга рәхмәтләр юллады.
Монда яшәүчеләр арасында безнең милләттәшләребез дә бар икән. Татар җырларын тыңлагач, туган якларга кайткан сыман булды дип, рәхмәтләрен әйткән Янтимер абый Хәмидуллин. Себер-татар мәдәният үзәге директорының урынбасары Фатыйма Хәйрулла кызы Мамшанова: ”Без игелекле эшләр башкаруны традициягә керттек. Халкыбыз элек-электән табигать кыерсыткан, төрле сынаулар кичергән кешеләргә ярдәмчел, шәфкатьле булганнар. Физик мөмкинлекләре чикле булган кешеләргә аеруча игътибар кирәк булса да, без бу йортта сәламәт кешеләрдә дә булмаган яшәү көче белән көн күргән, тормышта аралашып, безнең артистларыбызга кушылып җырлаучыларга сәламәтлек теләп саубуллаштык», - дип сөйләде.
Римма УМИТБАЕВА.