Февраль 2023 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
11 февральдә Түбән Тәүде районының 100 еллык юбилее кысасында Киндерле авылы стадионында 2022-2023 кышкы сезонда картинг буенча Төмән өлкәсе ачык чемпионаты һәм беренчелеге уздырылды. Максаты: яшьләрдә һәм балаларда картинг белән шөгыльләнүгә теләк булдыру, йөртү, техник осталыкны үстерү. Җитәкчелек һәм контрольне «Про-карт» Төмән шәһәре спорт оешмасы башкарды. Чара Түбән Тәүде районы хакимияте ярдәмендә Новотроицк авыл хакимияте башлыгы Олег Ахмеров инициативасы буенча уңышлы гамәлгә ашырылды.
Ачылу тантанасында регион спортчыларын һәм уңыш теләүчеләрне Түбән Тәүде районы хакимият башлыгы Валерий Борисов кайнар котлады. Мондый гаҗәеп күңелле, дәртле спорт ярышы районда беренче тапкыр оештырылды. Ул бик югары дәрәҗәдә үтте. Өлкәннәр дә, балалар да үзләренең осталыкларын күрсәттеләр. Махсус хезмәтләр: ашыгыч ярдәм, янгын сүндерү дежур торды. «Культура» оешмасы музыка ягыннан ярдәм итте, сәүдә үзәге эшләде. Волонтерлар: Александр Рыков һәм Алинә Хрисанова спортчыларны кайнар чәй, кофе, кабартма-күмәчләр белән сыйладылар.
Диләфрүз ФӘХРЕТДИНОВА
