Декабрь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәрендә яшәүче Сәетовлар гаиләсе – Артур һәм Татьяна уллары Дамир белән сәламәтлекләре чикле булган яшь гаиләләр 4нче регионара бәйгесендә абсолют җиңүче исеменә лаек булдылар. Башта алар җәй көне Төмән шәһәрендә узган өлкә конкурсында катнаштылар. Биредә 18 гаилә арасында оештырылган бәйгеләрне югары дәрәҗәдә үтеп, беренчелекне яулагач, Екатеринбург шәһәрендә узачак регионара конкурска юллама алдылар. Ниһаять, бу имтиханны да алар җиңел үтеп, алар кабат җиңүче!
- Без мондый уңышны көтмәгән идек, - дип әйтә гаилә башлыгы. – Бәлки, бу уңышлар Екатеринбург шәһәре халкының кунакчыллыгы аркасында килгәндер. Чөнки бәйге оешкан рәвештә үтте, һәр нәрсә төптән уйланылып әзерләнгән. Без, мәсьәлән, 4 йолдызлы кунакханәдә яшәдек, андагы матурлык, уңайлыклар, кешегә мөнәсәбәтләр безне сокландырды”. Сәетовлар гаиләсе бәйгедә җиңәргә ярдәм иткән якташлары – сценарийны төзегән Любовь Шадрина, видеоролик ясарга ярдәм иткән Георгий Устькачкинцев, “Синтез” мәдәният сараеннан костюмнар белән тәэмин иткән Михаил Никитин, Тубыл бүлеге сәламәтлекләре чикле булганнар җәмгыяте рәисе Наталья Варавкога рәхмәтләрен белдерделәр.
“Тубыл яңалыклары” сайтыннан.
(Рәүфә КАНГАЗИНА тәрҗемәсе).