Январь 2022 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Яркәү районы, Тархан авылыннан 50 ел бергә гомер иткән ирле-хатынлы Хәйрия һәм Исмәгыйль Идиатуллиннарның тормышында шатлыклары да, кайгылары да булган. Әмма хәтердә иң якты һәм күңелле хатирәләр генә калган. Бүгенге көнгә кадәр бергә яшәгән еллар йөрәкләрдә мәхәббәт һәм рәхмәт хисләре генә уята. Бу гаҗәеп пар турында бик озак сөйләргә була. Алар өч егет үстерделәр. Кече уллары бишектә ятканда, Хәйрия апа авырып китә. Исмәгыйль абый эш арасында Хәйрия апаны кайда гына дәваланырга йөртми, бик хөрмәт итте. Үзе гомер буена шофер булып эшләде. Балалары зурайгач, хатыны тагын авырып китте. Ул вакытта үз машинасы белән йөртте.
Үзләренә йорт та салып чыктылар, күп итеп хайван асрыйлар, бар нәрсәләре бар. Хәйрия апабыз да дин юлында, намаз укый, матур итеп көн күрәләр. Без күршедә яшәдек, шул ике өйнең балалары да үзара бик дус яшәделәр. Бер-беребезгә кирәк вакытында ярдәм иттек.
Аларга тагын бер кайгы килде – кече уллары Изил юл фаҗигасенә эләгеп вафат булды. Исмәгыйль абыйның әтисен үзләрендә карап, ризалык алдылар. Әтисенә Ялуторда фатир биргәч, ул аларга калдырып китте. Әниләрен дә үзләре карадылар. Алар язмыш җилләренә бирешмичә, тормыш сукмагыннан һаман бергә атлыйлар. Ике егетләре – Рөстәм белән Руфат үстеләр. Үзләренең тырышлыклары белән лаеклы ялда булсалар да, тик ятмыйлар. Җәен Тарханга кайтып гөмбә, чия җыеп, аны сатып акча эшлиләр. Исмәгыйль абый балык тотарга да йөри. Җәен мин дә авылга кайтып йөрим, күрешәбез, бер-беребезгә булышабыз. Күршеләр белән бергә яшәү бик күңелле.
Галия НАСЫЙБУЛЛИНА,
Төмән районы, Каскара авылы.