Июнь 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Менә инде 3 ел рәттән Күкрәнде авылында әби-бабайлар бик теләп җомга, Гает намазларына йөриләр. Һәр җомга саен өйлә вакытында матур азан тавышы яңгырап, килгән кунакларны намазга чакырып тора. Шул мәчеткә имам итеп билгеләнгән, вәгазьләр, Аллаһы сүзләрен җиткереп сөйләүче Күчүм хәзрәт Гайсин белән очрашалар.
Быел Рамазан ае елның бик озын көннәренә туры килде. 19 сәгатьтән артыкка сугылган көннәрдә уразаларны калдырмадык. Тәравих намазлары укыдык, авыз ачу мәҗлесләренә йөрдек, мәчетләребездә Кадер киче таң атуга хәтле дәвам итте.
Авылдашларыбызны хәләл тавык ите белән сыйладык. Бәйрәмнән хатын-кызларыбыз да читтә калмадылар. Алар үзләре пешергән ризыклары белән табынны бизәделәр. Равия Гайсина, Әлмира Рябикова, Нәсимә Ташбулатова, Люция Ниязова, Мәдинә Ташбулатова, Гөлшат Рәхимбакиева бәйрәм башланганнан ахырына хәтле кунакларны сыйладылар. Аларга зур рәхмәтебезне белдерәбез.
Киләсе елларга да Рамазан айларын көтеп алып, уразалар тотып, фитыр садакаларыбызны мохтаҗларга тапшырып иманыбызны куәтләндерергә насыйп итсен.
Розалия ВӘЛИДОВА,
Тубыл районы, Күкрәнде мөселман оешмасы рәисе.