Март 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәре сокландыргыч, кызыклы тарихы, хезмәт сөючән халкы белән дан тота. Яз айларында бөек шагыйрьләребез Г.Тукай, М.Җәлил белән беррәттә якташыбыз, танылган язучы Якуб Зәнкиевны хөрмәтләп искә алабыз. 6нчы апрельдә аның тууына 100 ел булыр иде, ә бакыйга күчкәненә 14 ел үтте. Шул уңайдан язучының хәләл җефете Рәшидә апа йортында якыннары, күп еллар аралашып яшәгән якын дуслары җыелдылар. Һәркайсының күңелләрендә моңсу хатирәләр уяткан очрашу мул табын артында үтте. Юршак мәчете хәзрәте Шәриф Боһартдинов чарага хәер-фатыйха биреп, мәрхүмнең рухына багышлап Коръән укыды, вәгазь сөйләде, дога кылды.
Язучыны җылы сүзләр белән искә алдылар. Якуб абыйның игътибарлы, ярдәмчел булганы турында педагогия фәннәре кандидаты Клим Садыйков хатирәләре белән уртаклашты. Ветеран укытучы Рәшидә Бакиева Рәшидә Зәнкиеваның “Әбием сабаклары” шигырьләр җыентыгыннан берничә шигырьне яттан сөйләде. Г.Тукайның шигырьләрен ветеран укытучы Асия Шәипова сәнгатьле итеп укыды. Я.Зәнкиевның туганнарын кайгыртканын Сания апа Хәйретдинова, кече вакытларында фикердәш, сердәш, киңәшчеләре булганын, аларның тормышлары, укулары белән кызыксынып яшәгәне турында инде үсеп җиткән оныклары искә алып, кунаклар белән уртаклаштылар. Рәшидә апа да тормыш юлында иптәше аның таянычы, киңәшчесе, яраткан кешесе, хезмәт юлында коллегасы булып гомер иткән елларын зур хөрмәт белән искә алды. Якуб абый гаиләдә балаларына ышанычлы терәк, үрнәк әти булып яшәде.
Римма УМИТБАЕВА.