Август 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
21 июль көнне Вагай районының Сопра авылында мәчет ачылу тантанасы булып узды. Авыл кешеләренең карары буенча, мәчетнең беренче имамы, төзеп башлаучысы Гомәр Усман улы Кутумов хөрмәтенә – Гомәр мәчете дип исем бирделәр. Аллаһы йорты, имам җитәкчелегендә, авыл халкы җыйган акчага өч ел төзелде.
Тәбрикләү сүзләре белән мәчет имамы Исхак Катаргулов, Нетфеюганск шәһәреннән Ташбулат хәзрәт чыгыш ясадылар. Гомәр Усман улының хатыны Гөлчиян Сәгадәтдин кызы ислам нигезләренә өйрәнергә теләүчеләрне укырга чакырды.
Шулай ук Тугыз, Катангуй авылларыннан, Тубыл, Нефтеюганск шәһәрләреннән кунаклар котладылар. Изге Коръәннән сүрәләр, мөнәҗәтләр, халык җырлары яңгырады. Ачылу тантанасыннан соң кунакларны милли ашлар белән корылган бай өстәл көтә иде.
Авыл халкы мәчетне төзүдә бик актив катнашты, өмәләргә чыктылар, мәчет тирәсе матур, чиста, янына чәчәкләр утыртканнар. Нурсия Янсуфина әйтүе буенча, нәкъ авыл уртасында урнашкан мәчет - авылның яме булып тора.
Аерым рәхмәт сүзләре бу авылдан чыккан, әлеге чараны алып баручы Әлфия Сөләймановага, Дубровное күчмә клуб учреждениесенә.
Мәчет ачылу тантанасы – чын мәгънәсендә зур бәйрәмгә әверелде. Сопралыларга уңышлар, бәхетле имин тормыш телибез.
Земфира ШӘРИПОВА, Тубыл шәһәре.
(Нәсимә ТАШБУЛАТОВА тәрҗемәсе).