Март 2018 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Язның бер ямьле ял көнендә Түбән Тәүде районы, Тарман (Саз) авылы клубында 24 март көнне өч сәгатьлек “Язгы моңнар” программасы белән күп конкурсларда урыннар яулаучы, авыл тормышында актив катнашучы “Саз” фольклор ансамбле концерт куйды. Ансамбльдә катнашучыларның: Кафия Балдашова, Екатерина Әхмәтҗанова, Зөлфирә Абдразакова, Разия Муллакова, Әлфия Айзатуллина һәм аларның талантлы җитәкчеләре Әбүзәр Миннебаевның дәртле җырлары, күңелләрне яшәрттерә торган себер татар биюләре, спектакльләре, курайда, думбрада уйнаулары тамашачыны куандырып, илһамландырып калдырды.
Шулай ук концерт программасында татар мәдәният үзәгенә йөрүче, безнең авылда үскән һәм бүгенге көндә сәнгать көллиятенең бию бүлегендә беренче курста белем алучы, талантлы якташыбыз Азалия Хәмидуллина үзенең җыр-биюләрен бүләк итте. Шул ук рәттә Гүзәл Мәчитова үзенең моңлы, матур җырларын тамашачыга җиткерде. Курайда уйнап, җыр белән куандырып Тарман урта мәктәбенең укучысы Илмира Галеева да концертта катнашты. Барлык катнашучыларга һәм концертны оештырып, алып баручы, тулы заллар җыеп, авыл тормышын ямьләндереп торучы яшь талантлы кызыбыз Руфина Туйчиковага зур рәхмәтебезне белдерәбез. Киләчәктә дан, горурлык булып авыл халкын хөрмәт итеп торыгыз, татар сәнгатен саклап барыгыз.
Тарман авылы халкы.