Якуб Зәнкиевка багышланган викторина

Подробности

Опубликовано 31.03.2017 15:40

Просмотров: 960

Мөхтәрәм укытучы, сугыш һәм хезмәт ветераны, Татарстан Республикасының Тукай премиясе лауреаты Якуб Зәнкиевка 7 апрельдә 100 яшь тула. Шул уңайдан “Яңарыш” газетасы редакциясе викторина оештырырга карар кылды. Җаваплар 2018 елның 1 апреленә кадәр кабул ителә, җиңүче Якуб Камали улына 101 яшь тулган көннәрдә газета битләрендә игълан ителәчәк.

Викторина сораулары:

1. Я.К.Зәнкиев туып-үскән  шәһәр, авыл?

2. Язучы нинди һөнәр иясе?

3. Бөек Ватан сугышы елларында Я.К.Зәнкиев кайда һәм кем булып хезмәт иткән? Ул сугышны кайда тәмамлаган? Нинди бүләкләргә лаек булган?

4. Хуҗайлан авылының исеме нәрсәне аңлата? Якуб Зәнкиев ничәнче елларда анда яшәгән?

5. Авторның нинди әсәрләре белән сез таныш?

6. Авторның кайсы әсәре өчен һәм кайчан Габдулла Тукай исемендәге премия бирелде?

7. “Иртеш таңнары” романында баш геройның прототибы кем?

8. “Кызлар тавы” риваятенең тарихы. Ник алай дип аталган һәм кайда урнашкан?

9. Я.К.Зәнкиевның соңгы романы ничек аталды? Ул нәрсәгә багышланган? “Хәтер аллеясы” турында кайда сөйләнә һәм кемгә багышлана?

10. “Ак корт” йоласы турында язарга  (“Иртеш таңнары”).

11. “Ялкында өтелгән мәхәббәт”романының герое утырып өенә кайткан пароходның исеме ничек?

12. Ислам шәригате буенча парның кавышуы ничек атала һәм ничек үтә?

13. Зәнкиев романыннан  берничә мәкаль һәм әйтемнәр китерегез.

Җаваплар көтеп калабыз, укучыларыбыз!

Редакция.