Февраль 2023 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Бу көннәрдә Ялутор районының Яңа Атьял һәм Аслана урта мәктәпләрендә 5-7 нче сыйныф укучылары өчен Төмән өлкәсе иҗтимагый палатасы әгъзасы, «Илһам» коммерцияле булмаган автоном оешмасы җитәкчесе Тимур Нигъмәтуллин «Инклюзив аралашу дәресләре» үткәрде. Әлеге дәресләрнең төп максаты һәм бурычлары - төрле инвалидлык формалары булган укучыларда яшьтәшләре белән хезмәттәшлек күнекмәләрен формалаштыруга юнәлдерелгән. Бу турыда безгә Тимур Юлдыз улы хәбәр итте.
- Шуны әйтергә кирәк, мондый дәресләр гражданлык җәмгыятен үстерүгә бирелгән Президент грантлары фондының ярдәме белән «Доступ» инклюзив сервис үзәге проектын гамәлгә ашыру кысаларында уза. Дәресләрдә укучыларны уен формасында сәламәтлекләре чикле булган яшьтәшләренең үзләрен көндәлек тормышта ничек хис итүләре белән таныштырырга туры килә. Мондый дәресләрне квест формасында үткәрү балаларга мөмкинлекләре чикләнгән яшьтәшләренең нинди авырлыклар белән очрашуларын аңларга мөмкинлек бирә. Бер үк вакытта, бу аралашуда инклюзив үзара бәйләнеш процессы бара. Авыл балаларының мастер-классларда актив рәвештә катнашулары, әлеге темага тулысынча чумуларын раслый. Сүз уңаеннан, шуны да ачыкладык: күп укучыларның инвалид балалар белән эшләү тәҗрибәләре бар икән», - дип сөйләде ул.
Рәүфә КАНГАЗИНА
