Апрель 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Мин - Рөстәм Төхвәтуллин - Казанлы урта мәктәбенең 11 сыйныфында укыйм. Миңа 17 яшь. Мин күп балалы гаиләдән. Без тугыз кеше: биш малай, өч кыз һәм әни. Абыйга - 23, ә сеңелемә - 5 яшь. Мин ике олы абыйдан соң өченче булып тудым. Безнең гаилә тату, һәркемнең үз вазифасы бар, әниебезгә ярдәм итәргә тырышабыз.
Мин яхшы укыйм, зур теләк белән дәресләргә йөрим, барлык чараларда катнашам. Балачактан иҗат белән мавыгам, шигырьләр язам, хәтта гомеремдә беренче тапкыр үз поэмамны яздым. Шулай ук спорт турында да онытмыйм. Быел мәктәпне тәмамлыйм һәм мине олы тормыш юлы көтә.
Балачактан ук мин спорт һәм интеллектуаль чараларны яратам. Нәфис сүз осталары конкурсларында һәрвакыт призлы урыннар яулыйм. Хәтта татар телендә нәфис сүз осталары конкурсының Бөтенроссия этабында да мин беренче урынны яуладым һәм Гран-при оттым.
Мәктәптә укыган елларымда олимпиадаларда катнаштым һәм, әлбәттә, бу эзсез узмады. Кирәкле тәҗрибә алдым. Төбәк һәм бөтенроссия этапларында мин үземә яңа дуслар таптым, бик күп тәэсирләр һәм хис-кичерешләр белән баедым.
Бу казанышларның барысына да мин үзем генә ирешә алмас идем, чөнки һәр кешегә үз сәләтен, энергиясен дөрес юнәлешкә юнәлдерүче остаз кирәк. Хөрмәтле татар теле һәм әдәбияты укытучысы Асия Зимагуловага зур рәхмәт, чөнки бала чагымнан ук максатчан укучыны нәкъ менә ул күрде бит. Кечкенәдән үк ул мине дөрес юлдан алып барды һәм һәрвакыт ярдәм итте.
Миңа тормыш биргән, хезмәткә өйрәткән әниемә дә шулай рәхмәтлемен, беркайчан да шикләнмәде.
Киләчәктә мәктәпне уңышлы тәмамлыйсым, уку йортында белем аласым, җәмгыятькә кирәкле кеше буласым, яңа үрләргә ирешәсем килә.
Рөстәм ТӨХВӘТУЛЛИН,
Вагай районы, Казанлы авылы.