Сентябрь 2026 |
| Дш | Сш | Чш | Пш | Җом | Шм | Якш |
| 31 | 1
|
2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Ханты-Мансийск шәһәрендә сәнгать дөньясында зур һәм тирән мәгънәле, әһәмиятле вакыйга булып узды. Монда Россиянең атказанган мәдәният хезмәткәре, РФ рәссамнар берлеге әгъзасы, кадерле милләттәшебез Әлфея Мөхәмәтованың зур шәхси күргәзмәсе үз ишекләрен ачты. Төньякның бөек рәссамы Геннадий Райшевның данлыклы галерея-остаханәсендә оештырылган бу уникаль экспозиция Югра, Төмән өлкәсе һәм Ямал төбәкләрен бергә бәйләүче «Мәдәни хезмәттәшлек» программасы кысаларында тәкъдим ителде.
Күргәзмәгә авторның күп еллык иҗат җимешләре кергән. Монда килгән һәр кунак рәссамның гаҗәеп осталыгына һәм хыял киңлегенә таң кала: бакыр өстендәге кайнар эмаль, үзенчәлекле нәфис керамика, алтынны зәвык белән эретү техникасы аша тудырылган әсәрләр күңелне тибрәтә, җанны үзенә тарта. Аеруча күргәзмәнең төп йөрәге һәм үзәге булган — нефть белән ясалган кабатланмас картиналар игътибарны яулый.
Әлфея Мөхәмәтова — нефть белән язу техникасын югары дәрәҗәгә, чын сәнгать югарылыгына күтәргән дөньядагы санаулы рәссамнарның берсе. Нефть — бик көйсез һәм авыр материал: ул тиз кибә, шуңа күрә рәссам бер генә хата да җибәрмичә, бик төгәл, оста һәм тиз эшләргә тиеш. Автор үзенең бу иҗади экспериментын турыдан-туры гаилә тарихы белән бәйли: аның атасы — данлыклы бораулаучы Фәхриттин Курмашев бөтен гомерен Төньякның кара алтынын чыгаруга багышлаган нефтьче.
Рәссам нефть белән сурәтләнгән табигать күренешләрен генә түгел, ә Көнбатыш Себерне үзләштерүче бөек тарихи шәхесләрнең — Фәрман Салманов, Виктор Муравленко кебек дөньякүләм танылган нефтьчеләрнең портретларын да иҗат иткән. Күргәзмәдә губернатор Руслан Кухарукның, беренче хант шагыйрәсе, әкиятче, Юграның мактаулы гражданины Мария Володинаның, шулай ук Советлар Союзы һәм Россия язучысы, Россия Федерациясе Дәүләт киңәшчесе Еремей Айпин кебек олы шәхесләрнең портретлары залның иң түрендә урын алган. Аларның һәрберсендә автор замандашларыбызның эчке җан җылысын, характерын бик тирән иттереп ача алган.
Рәссам үзе бу турыда җылылык белән болай дип ассызыклый: «Мин бик күп нефтьчеләр портретларын ясадым, алар бүген илнең төрле музейларында саклана. Бу күргәзмәне мин нәкъ Юграның йөрәге булган Ханты-Мансийск шәһәрендә оештырырга тиеш идем, чөнки бөтен тормышымны һәм иҗатымны нәкъ менә Себергә багышладым».
Экспозиция берничә тирән мәгънәле тематик өлешкә бүленгән: «Җирнең тууы», «Җир йөзләре», «Җир үзенчәлеге» һәм «Җир алтыны». Биредә Төньяк халыкларының борынгы мәдәнияте, табигать һәм кеше арасындагы өзелмәс, тирән бәйләнеш һәр картинада саклана.
Сабый чагыннан ук рәссам булырга хыялланып, үз көче һәм фидакарьлеге белән Мегион шәһәрендә беренче этнографик юнәлешле балалар сәнгать мәктәбен ачып җибәргән Әлфея ханымның бу хезмәте — чын мәгънәсендә тормыш батырлыгы.
Югра татарлары исеменнән Әлфея Фәхриттин кызына тирән рәхмәт сүзләребезне һәм иң ихлас котлауларыбызны җиткерәбез! Милли мәдәниятебезне, тарихыбызны һәм Себернең төньяк җиренең бөеклеген сәнгать аша бөтен дөньяга таныткан Әлфея ханым — безнең өчен зур горурлык. Аның иҗаты — татар халкының җан җылысын, хезмәт сөючәнлеген һәм тирән талантын күрсәтүче гүзәл бер көзге.
Әлфея Мөхәмәтованың иҗаты Россиядә генә түгел, Канада, Германия, Кытай, Япония һәм АКШ кебек дөнья илләренең шәхси коллекцияләрендә дә югары бәяләнә. Гаҗәеп талант иясе булган милләттәшебезнең Ханты-Мансийскидагы әлеге күргәзмәсе Югра башкаласы халкы һәм кунаклары өчен сәнгатьнең бөеклеген һәм Себернең матур җанын тою өчен менә дигән гүзәл мөмкинлек.
Раушания ИСХАКОВА,
Ханты-Мансийск шәһәре.
