Яңалык

Подробности

Опубликовано 17.11.2017 15:56

Просмотров: 559

Молочный комбинат “Ситниковский” перерабатывает в сутки 500 тонн молока. Әзер сөт продукциясе төрү материалы цехына озатыла. Һәр сәгать саен кою линиясеннән йомшак төрү материалында өч мең каймак, биш мең данә сөт һәм кефир, кәгазь савытта сигез мең данә сөт җитештерелә. 16-24 сәгать вакытны алган технологик процесс компьютер мониторларына чыгып, бөтен этапта белгечләр тарафыннан контрольгә алына. Төп шарт – ясаганда, саклаганда, транспортта йөрткәндә сөт продукциясенең температура режимын үтәү. Йөк ташучы машиналар температура датчиклары белән җиһазландырылганнар.

* * *

“Тюменский бройлер” продолжает модернизацию. Предприятиедә үзгәртеп корудан соң яңа кош абзарын ачтылар. Монда камилләштереп яңача ясау һичкайчан өзелми. Даими продукцияне яңарту технологияләре кертелә, ассортимент киңәя. Яңа кетәккә (птичник) 37 мең баш кош сыя, ул 1 600 квадрат метр мәйдан били. Бина 29 ел элек төзелгән, вакыт таләпләренә туры килми. Инде монда кошларны заманча технологияләр буенча үстерәчәкләр. Яңартып корылган кош абзарында эшне компьютер идарә итәчәк.

* * *

Заводоуковские аграрии завоевали переходящее знамя губернатора. Шәһәр округы башлыгы Александр Анохин губернатор Владимир Якушев кулыннан күчмә байракны алды. Ул 2018 ел азагынача Заводоуковск аграрийларында булачак. 2017 елга нәтиҗә ясаганда, В.Якушев регионда яхшы уңыш җыелганын әйтте. 2017 елда җитди җиңү – авыл хуҗалыгы продукциясенең җитештерү индексының үсүе. Беренче ярты ел нәтиҗәсе буенча ул 105,1%ны тәшкил итте. “Бүгенге икътисад темпында мондый күрсәткеч – җиңү. Агропромышленность комплексы Төмән икътисадының мөһим ноктасы булды. Моның өстендә озак эшләдек. Конкрет хезмәт һәм дәүләт ярдәме үзенең уңай нәтиҗәсен бирә башлады. Регион агропромны үстерүдә яңа этап башлады”, - дип сөйләде өлкә башлыгы.

* * *

Стали известны сроки Всероссийской переписи населения. Бөтенроссия халыкны исәпкә алу 2020 елның октябрендә узачак. 2018 елның октябрендә сынау өчен оештырылачак. Бөтенроссия исәпкә алу нәтиҗәсе буенча Россия халкы исәбе һәм составы турында рәсми статистик хәбәр алыначак. Сынау өчен үткәрелгәне һәм Бөтенроссия халыкны исәпкә алуны әзерләү һәм үткәрү өчен җаваплы Росстат билгеләнгән.

* * *

Представители международного союза биатлонистов подписали соглашение о проведении этапа Кубка мира в Тюмени. Биатлон буенча дөнья Кубогының йомгаклау тугызынчы этабы 19-25 мартта Төмәндә узачак. “Жемчужина Сибири” спортның кышкы төрләре үзәге планетаның иң көчле атышучы чаңгычыларын үзендә кабул итәчәк. Билетлар 1 декабрьдән сатыла башлый. “Жемчужина Сибири” Төмән биатлон үзәгендә тамашачылар өчен урыннарның күләме артты. Элек 8-9 мең кеше сыйса, хәзер 12 меңне үз эченә ала.

* * *

Лесохозяйственное предприятие в Исетском готовится выпустить первую продукцию. Регион халкы өчен монда утын, яфраклы һәм ылыслы пычкы материалы, фанера чималы, тара такта, мебель киртә, билгеле бер формага салынган борыс һәм башкасын җитештерәчәкләр. План буенча оешмада елына 297 мең кубометр үзагач эшкәртү көтелә, 260 хезмәт урыны барлыкка киләчәк. Проектны ике этапка бүлеп, 6 ел дәвамында реальләштерәчәкләр. Беренчесендә урман хуҗалыгы, урманны төяп озату, кисү, биоэнергетик комплексының беренче, икенче чираты оешачак. Икенче этапта үзагачны тирән эшкәртү, агач материалын эшкәртү цехын төзү, өченче чираттагы биоэнергетик комплексы проектын кертү тора.

Өлкә газеталарыннан хәбәрләрне Диләфрүз ФӘХРЕТДИНОВА туплады.