Июнь 2017 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тубыл шәһәрендә яшәүче Ислам Каюм улы Тляушевка Россия элемтә һәм массакүләм коммуникацияләр министрлыгыннан медаль һәм тырыш хезмәте өчен таныклык тапшырдылар. “Элемтә һәм иминлек” Федераль дәүләт унитар оешмасының шәһәр бүлеге командиры Николай Беляк, почта хезмәткәрләре Ислам Тляушевка котлауларын юллап, уңышлар теләделәр. Ислам Каюм улы һөнәре буенча машина йөртүче булса да, инде 10 елдан артык бу оешмада тырышып хезмәт итә. Шәһәрнең үзәк почтасында күп еллар сакчы хезмәтен үтәгән якташыбыз: ”Сакчы – күңелсез эш дип исәпләнсә дә, ул - искиткеч һөнәр. Чөнки без кеше арасында эшлибез. Бездән тирә-юньдәге вакыйгаларга, кешеләргә игътибарлы булуыбыз таләп ителә. Без көн-төн эш урыныбызда уяу булырга тиешбез.
Кешеләрнең сорауларын игътибар белән тыңлап, ярдәмгә килергә ашыгабыз. Беренчедән, тәртипне, тынычлыкны саклау - төп максатыбыз, икенчедән, безнең хезмәтебез кешеләр өчен файдалы булсын дип тырышабыз. Бүгенге көндә иминлекне саклау аеруча мөһим”, - дип сөйләде. Бары тик яратмаган эшне башкарганда гына күңелсез була. И.Тляушев кайда гына эшләсә дә, үзенең эшен яратып, тырышып, бөтен күңелен биреп башкара. Тормыш иптәше, ике кызы, улы, килен-кияүләре, оныклары аның зур бүләккә лаек булганы белән бу котлауларга кушылалар.
Римма УМИТБАЕВА.