Январь 2021 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Түбән Тәүде районы, Тарман авылында яшәүче Разия Мансур кызы Муллакова турында язарга булдым, чөнки аның бу көннәрдә юбилейлы туган көне. Олы җанлы, мәрхәмәтле, кайгыртучан, эшчән туганыбызның язмышы катлаулы булса да, беркайчан да ул зарланмый, җырлап-биеп, ярдәмләшеп яши.
Разия Мансур кызы Эске авылында туа. Мин дүртенче классны тәмамлаганда, Эске авылында ул вакытта җидееллык татар мәктәбе иде. Шул авылда мәктәпне тәмамлап, без рус Чугунаево мәктәбендә укый башладык. Күпләребез юньле русча белмибез, шулар арасында мин дә 5 нче класста утырып калдым.
Разиянең әнисе Эске мәктәбендә татар теле укытучысы булгач, алар барсы да Саз авылына, андагы татар мәктәбенә эшләргә күчеп киттеләр. Сазда мәктәп сигезьеллык була ул вакытта. Менә шул вакытта Разия Эскедә туганнарында яшәп, Чугунаево рус урта мәктәбен тәмамлый һәм Мәскәүгә укырга китә. Мәскәү текстиль институтын тәмамлап, кулына таныклык алгач, Төмәнгә кайтып камволь-тукыма комбинатында хезмәт юлын башлап җибәрә. Һәм биредә ул мастер вазифасын башкарып, лаеклы ялга хәтле тырышып эшли.
Бер мәртәбә дә кияүгә чыкмый, шуның өчен үзенең гаиләсе юк. Ике сеңлесе һәм бер абыйсы бар. Лаеклы ялга чыккач, Тармандагы карт әти-әнисен карарга кайта. Тормышы бик шәп, әти-әнисенең йортларын матурлап куйган.
Рәхимҗан МУЛЛАКОВ,
Түбән Тәүде районы, Эске авылы.