Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Өлкә ЗАГСының Гәрәбә залында Төмәннән һәм Төмән районыннан килгән күп еллар тату яшәгән, лаеклы балалар һәм оныклар тәрбияләгән парларга котлау сүзләре, яраткан җырлары яңгырады, аларга чәчәкләр һәм истәлекле бүләкләр тапшырылды.
Берьюлы җиде пар җыелды, алар арасында Ямбайдан – Сәләмовлар, Шыкчадан – Сабировлар, Винзилидан Волковлар да бар иде. Аларның гаилә стажы 45-60 ел, алар яраткан әти-әниләр генә түгел, ә оныкларының сөекле әби-бабайлары да!
Һәрбер бәхетле парның җилкәсендә зур хезмәт еллары, һөнәри уңышлар, бүләкләр һәм танылу, авылдашларының ихтирамы һәм хөрмәте.
Кайберәүләр хәзер дә актив иҗтимагый тормышны дәвам итәләр. Нина Неверкович һәм Галия Волкова беренчел ветераннар оешмаларын җитәклиләр, Хәлимә Сабирова - көмеш волонтер, махсус хәрби операциядә катнашучылар өчен маскировка челтәрләре үрә, оекбашлар бәйли. Рюпиннар зур хуҗалык тоталар, иң яхшы хуҗалык буенча өлкә бәйгеләрендә катнашалар һәм җиңәләр, авылның барлык бәйрәм чараларында атта йөрүне оештыралар.
Кадерле якташларыбызны бәйрәм белән Төмән районы башлыгы Ольга Зимина котлады һәм гаилә парларының ныклыгы, үзара аңлашу һәм ышаныч үрнәкләре булулары өчен рәхмәт белдерде.
Ләйлә МАДЬЯРОВА.
