Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән районы, Талымхан авылында Гөлсия Кәримованы «волонтер кыз» дип беләләр. Хәзер ул балалар бакчасында тәрбияче булып эшли.
Гөлсия Динар кызы 2002 нче елның 17 августында туа. Җиде яше тулу белән авыл мәктәбенә укырга керә, беренче укытучысы Тәслимә Мөхәмәдзяновадан белем ала. Актив кыз 6 нчы класстан ук волонтерлар мәктәбен үтә, ял лагерьларында осталыгын камилләштерә. Митингларда, бәйрәмнәрдә, төрле акцияләрдә катнашты. Авылда яңа һәйкәл салынганда, исемлекләр язганда эзләнү эшләрендә комиссия составында булды.
Унбер елга сузылган кыңгыраулы мәктәп еллары тиз генә узып китә. 2020 нче елда Талымхан урта мәктәбен уңышлы тәмамлый. 2020-2023 елларда Төмән шәһәрендә цифрлы һәм педагогик технологияләр колледжында белем алганда да төрле чараларда катнашырга вакыт таба.
Колледжны тәмамлап, төньякка китә. Салехард шәһәреннән 105 чакрымда урнашкан Белоярск поселогында «Брусничка» исемле балалар бакчасында бер ел эшләп, Гөлсия туган авылына ялга кайтты. Әбисе Мәүлия апаның 60 яшен бергәләп үткәрделәр, сеңелләре Эльзана белән Ильяна да бик шат.
Гөлсиянең балачак хыялы, Аллаһы бирсә, тормышка ашар. Ул читтән торып Мәскәү халыкара университетында белем ала, юрист булырга җыена.
Талымхан кызына якты юллар, максатларына ирешүен теләп калабыз.
Рәйсә РӘХИМОВА,
Төмән районы, Талымхан авылы.
