Ноябрь 2026 |
| Дш | Сш | Чш | Пш | Җом | Шм | Якш |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6
|
7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Октябрь аенда Төмән өлкәсе мөселманнары Диния нәзарәте каршындагы барлык якшәмбе мәктәпләрендә яңа уку елы башланды.
Әйтергә кирәк, дәресләр балалар өчен дә, өлкәннәр өчен дә үткәрелә. Дәресләргә теләгән кеше, белем дәрәҗәсенә һәм яшенә карамастан, бара ала.
Төмән шәһәрендә Сакко урамындагы 5 нче йортта курсларны Төмән өлкәсе мөселманнары диния нәзарәтенең Ислам мәгариф үзәге директоры Искәндәр хәзрәт Юсупов алып бара.
Җәмигъ мәчетендә, Жданов урамындагы 9 нчы йортта, хатын-кызлар һәм кызлар өчен курслар уза. Хатын-кызлар өчен дәресләр Фәйрүзә ханым Бәширова җитәкчелегендә, ә 5 яшьтән 20 яшькә кадәрге кызлар Казан ислам университетын тәмамлаучы Гөлфәния Мотыгуллина һәм Азиза Мәчитова җитәкчелегендә шөгыльләнәләр.
Курсларда ислам һәм намаз нигезләренә, Коръән укырга, Хаҗ кылу нигезләренә өйрәнергә була. Шәкертләре Мөхәммәд (с.г.в.) пәйгамбәрнең тормыш юлын, гарәпчә укырга һәм хәдисләрне өйрәнәләр.
Якшәмбе мәктәпләре шулай ук Ялутор, Тубыл мәчетләрендә, Төмән, Вагай, Ялутор, Яркәү округларында, тагын да өлкәбезнең башка өлешләрендә җирле мәчетләр каршында эшли.
Безнең төбәкнең якшәмбе мәктәпләре укытучылары Казан һәм Уфа мәдрәсәләрен һәм югары ислам уку йортларын тәмамлаучылар, шулай ук Төмән өлкәсе мөселманнары Диния нәзарәте каршындагы курслар узган белемле остазлар.
Төмән өлкәсендә мондый белем бирү проектлары ике мөһим эш башкара: беренчедән, динебезне һәм гореф-гадәтләребезне саклыйлар, икенчедән, балаларга рухи кыйммәтләр тәрбиялиләр.
Гөлназ УСМАНОВА, Төмән шәһәре.
Рәсемдә: курсларда.
