Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
Тюмень, ул. Шишкова, 6, 2 этаж, Тюменский издательский дом
Исәт районында бердәнбер татар авылы – Югары Егәнле бар. 2008 нче елда мин, авыл мәдәният йорты директоры буларак, авылдашым Надия Борисова белән өлкән яшьтәге хатын-кызларны җыеп, ансамбль оештырырга булдык. Моңа хәтле без концертларда, төрле чараларда җырлап йөри идек. Безнең теләкне район мәдәният бүлеге хуплады һәм күлмәкләр тектерергә акча да бирделәр. Шулай 2009 елда безнең «Миләшләр» дигән хор ансамблебез барлыкка килде. Ул вакытта мин инде лаеклы ялда идем, ансамбльне җитәкләдем, ә директор вазифасын Надия Борисова башкара иде. Шуннан башлап без ансамбль белән Төмән өлкәсендә узган Сабан туйларында, «Халык сәнгате», «Дуслык күпере» һәм башка өлкә конкурс-фестивальләрендә катнаша башладык. Ә хәзер авылыбызда безнең ансамблебездән башка бер чара да узмый. Хәзер ул яңа җырчылар белән тулылана, ике ел инде «Миләшләр»не мәдәният йорты җитәкчесе Венера Сафарова җитәкли. Үткән елның октябрь аенда «Миләшләр»гә 15 яшь тулды. Шул уңайдан, мин кызларны юбилейлы бәйрәмнәре белән котлап, яңадан-яңа уңышлар, сәламәтлек телим.
Ачилә ИХСАНОВА,
Исәт районы, Югары Егәнле авылы.
(Рәүфә Кангазина тәрҗемәсе).
