Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Сайлау көннәре безнең авылда да бик тыныч һәм оештырылган рәвештә үтте. 16 март көнне авыл советындагы мәйданда, клуб мөдире Тәския Нәзметдинова оештыруында, концерт программасы булды. Караоке җырлап, биеп, күңел ачып алдылар. 11 класс укучылары тырышлыгы белән пылау пешерелгән иде. Чират торып алып һәркем ашады. Җитми калгач, укучылар 17 март көнне дә әзерләделәр. Ул коймаклары, сумса, бәлешләр – нинди генә ашлар пешермәгәннәр. Авылның актив хатыннары да бик теләп катнашканнар. Бу ярминкәне оештыручы - безнең авыл ветераннар советы рәисе Хәшүрә Уразаева. Ул бик ягымлы, таләпчән, кеше белән сөйләшә белә. Сатучылар да үз товарлары белән килгәннәр, көне буе күңелдә калырлык җырлар яңгырап торды. Кайнар чәй, тәмле итеп пешерелгән ботка һәркемгә бушлай булды. Авыл остабикәсе Рәсимә Бабшанова гына шулай тәмле пешерә белә кебек. Менә шулай, Аллага шөкер, безнең авыл халкы эшли дә, ял итә дә белә.
Мәрьям ЗӨЛБОХАРОВА,
Төмән районы, Муллаш авылы.
