Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән дәүләт университетында традициягә кергән студентларның фәнни конференциясендә быел 200 секция эшләде. Төрки телләргә багышланган “Дебют. Мәктәптәге лингвистик тикшеренүләр” секциясендә мәктәп укучылары да катнаштылар. Бу секцияне университет каршында эшләүче тюркология үзәге директоры, профессор Хәнисә Чәүдәт кызы Алишина җитәкләде. Конференция кунакларын сәламләп университет проректоры, профессор Андрей Толстиков, өлкә мәгариф һәм фән департаментының баш белгече Ольга Гроо чыгыш ясадылар һәм докладчыларга уңышлар теләделәр.
Хәнисә Чәүдәт кызы форсаттан файдаланып, эшләр өчен уңай шартлар булдырган университет ректоры Валерий Фальковка, катнашучыларга бүләк әзерләүче - Тубыл шәһәре Думасы депутаты Сәет Хисмәтуллин, өлкә татар Конгрессы президенты Нурулла Саттаровка һәм укучыларның фәнни җитәкчеләренә рәхмәтләрен белдерде. 
Чара барышында 24 фәнни хезмәт тәкъдим ителде. Аларның күбесе себер татар шагыйре Булат Сөләйманов, язучы Якуб Зәнкиев иҗатын яктыртты. Шулай ук Дан ордены тулы кавалеры Хәбибулла Якинның “Җиңүгә таба атлаучы солдат” әсәренә анализ ясалган, 20 ел гомерен Тубыл районы, Санникова урта мәктәбенә багышлаган ветеран укытучы Альберт Урамаевның хезмәтенә дә олы бәя бирелгән. Иң уңышлы чыгышларны җюри әгъзалары яшерен тавыш бирү тәртибе белән билгеләп, урыннар бирделәр. Җиңүчеләргә дипломнар тапшырылды, һәр катнашучыга сертификатлар, бүләкләр өләштеләр.
(Тулырак мәгълүматны “Яңарыш” газетасында укырсыз).
Рәүфә КАНГАЗИНА.
