Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Сезне һәм газетаның язмышын, киләчәген кайгыртып битараф калмаган мөхтәрәм милләттәшләрне рухи дөньябызны баетучы “Яңарыш”ның туган көне белән котлыйм. Озак еллар дәвамында һөнәрегезгә тугры калып, кискен замана авырлыкларына бирешмичә, газетаның тирән эчтәлеге, сыйфаты, күләме өстендә эшләп, булган мөмкинлекләрне тулысынча кулланып, һәр санын укучыларга вакытында җиткерү максаты белән зур тырышлык, түземлек күрсәтеп армый-талмый эшләвегез сөендерә. Рәхмәт сезгә, батыр кызлар! Горурланабыз! Киләчәктә сезгә яңадан-яңа үрләр яуларга, дан казанырга иҗади уңышлар, табышлар юлдаш булсын. Җаваплы хезмәт юлыгызда акыллы, зирәк каләмдәшләр, дуслар насыйп булсын. Яңа планнарыгызны, темаларыгызны тормышка ашыруда уңышлы эшләрегез дәртләндереп, канатландырып торсын, эчтәлекле, үтемле язмаларыгыз укучыларның күңел кылларын тибрәтеп, татар телен өйрәнүдә, татар телен торгызуда булган әһәмиятен көннән-көн арттырсын иде.
Гаиләгез бәхетле, якыннарыгыз сау-сәламәт, терәк булсын, дөньяларга тынычлык, һәммәгезгә сәламәтлек, хәерле озын гомер телим. Ә “Яңарыш” өлкә татарлары өчен элемтә күпере булып, тормышыгызны яктыртып, даныбызны таратып, сүнмәс маяк булып мәңге яшәсен! Милли үзенчәлекне югалтмый, башка милләтләргә үрнәк булып торыйк, дуслар!
Зур хөрмәт белән ак теләкләр юллап Шәрифә АЛЕЕВА.
