Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Быел “Чәк-чәк пати” акциясе Төмән татар мәдәният үзәге җитәкчелегендә шәһәренең “Панама” сәүдә-күңел ачу үзәгендә узды. Әлеге бәйге-күргәзмәдә үзләренең осталыкларын белдереп 3 хуҗабикә - Зөһрә Әхмәтова, Гүзәл Мурзина, Кәсирә Юмашева һәм 2 оешма - Айзатуллова шәхси оешмасының “Дуслык” гаилә кулинариясе белән ООО “Колос” оешмасы (Төмән районы, Ямбай авылы) катнаштылар. Алар төрле формада, зурлыкта, авырлыкта һәм искитмәле фантазия белән бизәлгән чәк-чәкләрен тәкъдим иттеләр. Аларның кулинария шедеврларына тамашачылар бәя бирделәр.
Һәркемнекесен тәмләп, чагыштырып карагач, бәйге башланыр алдыннан өләшкән жетоннарны иң тәмле чәк-чәк хуҗасына тапшырдылар. Тамашачыларның күңелләрен ачып татар мәдәният үзәгенең “Бәйрәм” җыр, ”Әпипә” уен корал, “Аккош” бию ансамбле, “Fresh” эстрада вокал студиясе матур чыгышлар бүләк иттеләр. Үзәкнең сәнгать җитәкчесе Стелла Шакирова: “Чәк-чәк – ул татарлар символы. Чәк- чәкнең камыры – ул төрле якка сибелгән татарлар, ә бал – татар халкын берләштерүче мәдәният, тел һәм тарих. Чәк-чәк бәйрәме – иң тәмле бәйрәм ул”, - дип акциянең төп мәгънәсен аңлатты. Җиңүчеләргә бүләкләр һәм дипломнар белән бүләкләнделәр. (Тулырак мәгълүматны “Яңарыш” битләрендә укырсыз).
Рәүфә КАНГАЗИНА.