Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Тугыз хакимиятендә социаль эшләр аз керемле кешеләргә ярдәм кулы сузу юнәлешендә алып барыла. Моның өчен махсус комиссия төзелгән. Анда яшәү шартларын тикшереп, проблемаларын белешеп, бүлеп бирелгән ярдәмнең максатлы кулланылышын контрольдә тоталар. Әле өлкә “Өлкән буын” максатлы программасы кысаларында өлкәннәр һәм инвалидлар турында да онытмыйбыз. Хакимиятебездә һәр бишенче кеше пенсионер. Шуларның 18е – сугыш ветераны, 74е – хезмәт ветераннары. Алар өчен төрле акцияләр үткәрәбез, газета аша юбилейлары, туган көннәре белән котлыйбыз, бүләкләр бирәбез, өйләренә барып кечкенә концерт күрсәтәбез, тимурчылар һәм кадетлар да үзләренчә ярдәм итәләр һәм башкалар. 12 пенсионерга социаль хезмәткәр беркетелгән булса, 3 ярдәмгә мохтаҗ якташыбыз хезмәткәр өендә яшиләр.
Тугыз авыл җирлегендә гаиләләргә дә игътибар зур. 303 гаиләнең 161ендә 314 балигъ булмаган бала тәрбияләнә. Барысы да тиешле дәүләт субсидияләреннән файдаланалар. Әле өстәмә рәвештә “Шәфкатьлелек”, “Баланы мәктәпкә әзерлә”, “Утын бүләк ит”, “Дуслык сумкасы” кебек чаралар да оештырылды. Уңышсыз буларак исәптә торган бер генә гаилә бар, аның белән профилактик эш башкарыла.
Шулай якташларның матур яшәве, көнкүрешләре әйбәт булуы күпмедер күләмдә дәүләт программаларына да бәйле, һәм бу мөмкинлекләрдән уңышлы файдалансыннар өчен без бар тырышлыгыбызны куярбыз.
Фатыйма ВАБИЕВА, Вагай районы, Тугыз авылы.
(Г.Вәлиева тәрҗемәсе).
