Бакчада язгы эшләр

Подробности

Опубликовано 11.03.2016 07:14

Просмотров: 2892

* Кар эреп беткәннән соң, бакчада җир кибү белән үк агачлардагы кимерүчеләргә каршы бәйләнгән әйберләрне чишеп алырга, кәүсә һәм ботактагы кабыкны кырып чистартырга кирәк.

* Яна торган әйберләрне җыеп өяргә, аларны чәчәк ату вакытында үсемлекләрне кыраудан саклау максатында төтен җибәрү өчен файдаланырга була.

* Агач кәүсәләрен һәм ботакларын чәртәп яки акшар белән агартып чыгарга.

* Агачлардагы кибеп каткан җимешләрне кагып төшерергә һәм юк итәргә. Чөнки алар күп кенә куркыныч авырулар чыганагы булып тора.

* Агач һәм вак куакларны кисүне төгәлләргә вакыт. Киселгән урыннарын буяп яки сылап чыгарга кирәк.

* Бакча җиләген тырмавычлар белән былтыргы кипкән чүп үләннәреннән, яфраклардан һәм кирәкмәгән мыекчалардан чистартырга.

* Корткычларга һәм авыруларга каршы агач һәм куакларга махсус сыекчалар бөркергә.

* Табигый һәм минерал ашламалар кертергә, кәүсә тирәсендәге җирне эшкәртергә кирәк.

* Яшелчә бакчасында туфрак өлгереп җиткәч, табигый ашламалар кертеп, аларны сабан яки көрәкләр белән күмдерергә кирәк. Көз көне казылган җирләрне 1/3 өлешкә сайрак, авыр һәм балчыклы туфракны тулы тирәнлектә казыйлар.

* Айның уртасында яки икенче яртысында ачык җиргә төче торма, кишер, шалкан, суган яшелчәләр, аккишер, шпинат, туран, борчак һәм башка салкынга чыдам үсемлекләрне чәчәргә була.

* Апрельнең соңгы көннәрендә яки май башында кышка чәчеп калдырылган яшелчә һәм күпьеллык үсемлекләрнең мүлчәләрен җыеп алырга кирәк.

* Яшелчә борчалары һәм башка корткычлар килеп чыкканчы яки аларны юк итү өчен чәчелгән үсемлекләр тишелеп чыкканчы, түтәлләргә иртә белән чык өстенә тәмәке тузаны, көл сиптерегез.

(“Юлдаш” календареннан).