Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Менә шулай җырларда җырланганча яшебез 60ны узса да, күңел әле дә яшь кебек, бер дә картаясы килми икән.
Әниләр көнендә Муллаш авылы мәдәният йортында концерт программасы белән чыгыш ясадык. Залда урта яшьтәге апалар, әбиләр дә бар иде. Бергә һәр концертта катнашучы ике коллектив: “Хуҗабикәләр” һәм “Пышны” ансамбльләре һәр тамашачының күңеленә зур тәэсир ясадылар. “Хуҗабикәләр” - 21 ел буена авыл өчен бөтен көч-күңелләрен биреп эшләүче 11 хатын-кыз.
26нчы ноябрь көнне Богандинский поселогында “Столичный сувенир” бәйгесендә дә ике төркем чыгыш ясады. Шул ук көнне “Пышны” коллективы Төмән шәһәр татар мәдәният үзәгендә Луиза Сөрмәтованың китабын тәкъдим итү чарасында катнашты. Бу ике төркемнең җитәкчесе, музыкант Җәгъфәр Касыймов 26 ноябрь көнне, үзенең туган көнендә, Бөтендөнья татар конгрессының “Татар халкына хезмәте өчен” медале белән бүләкләнде.
Җәгъфәрнең безнең Муллаш авылына гаиләсе белән күчеп килүенә 5 ай вакыт узды. Авыл халкы аны бик ярата, хөрмәт итә. 2016 елда Кырымда узган фестивальгә дә барырга насыйп булды аларга. “Пышны” фольклор ансамбле егетләренең төйдереп себерчә биюләренә тиң булучылар тирә-юньдә бар микән?! Бу уңышларга ирешүдә Җәгъфәрнең өлеше бик зур.
Ул үзе яшьлек хатыннарга да ягымлы тавышы белән “кызларым” дип дәшә. Яңа җырны өйрәнгәндә: “Җиде тирегезне түкмичә, кайтмыйсыз”, - ди. Менә шундый ул безнең Җәгъфәр. Шулай безнең авыл халкы бергә, бердәм яши, күңелле итеп ял итә дә, эшли дә белә
Мәрьям ЗӨЛБОХАРОВА, Төмән районы, Муллаш авылы.
