Үкенечле түгел

Подробности

Опубликовано 26.02.2016 13:42

Просмотров: 744

30 ел башлангыч классларда балаларга белем, тәрбия биргән Гайния Ибәт кызы Сөләйманова (Тимералиева) турында язасым килде.

Ул йөзләгән балаларны укырга, язарга өйрәтү генә түгел, катлаулы табигать күренешләрен, саннар эчендә исәп-хисап, шигъриятнең биремнәрен, әдәп-тәртипнең тормыш нигезе икәнлеген күңелләренә сала.

Үзенә тапшырылган укучыларын класстан класска күчереп, икенче баскычка тапшыра бара.

Уңышлы, нәтиҗәле хезмәте өчен өлкә, район грамоталары белән бүләкләнә.

Авыл халкы арасында агитатор булды, сайлау компанияләрендә  активлык күрсәтә килде, мәктәптә берничә ел профсоюз оешмасы рәисе вазифасын үтәде. Ул озак еллар педагогик хезмәтендә уңышлы, нәтиҗәле эше өчен “Хезмәт ветераны” медаленә лаек була.

Гайния Ибәт кызы Тубыл районы, Сүкләм авылында туып-үсә. Ул Сатылган, Тубыл шәһәренең 15нче мәктәбен тәмамлап, Тубыл педагогия училищесында укый. 1961 елда яшь белгечне юллама буенча укытучы итеп Вагай районына җибәрәләр.

Ул Юрмы авылында Наил Фазлулла улы белән гаилә корып урнашып кала. Алар дус-татулыкта 47 ел гомер итеп, ике ул үстерәләр. Егетләр Совет армиясе сафында чыныгу елларын үтәләр. Юрис уллары әнисенең хезмәтен сайлый. Ул инде 33 ел мәктәптә физкультура дәресләрен алып бара, ә Клим Тубыл шәһәрендә яши, эшли, Наил белән Гайния менә дигән йорт салып чыгалар, ишегалды тулы хайван, тавыклар тоталар. Булдыклы, эшчән әтиләре авырып бакый дөньяга китә. Гайния ханымның юанычы, ярдәмчесе Юрис улы анасы белән яши, йорт-хуҗалык эшләрен үз кулына ала. Ул капка, каралты тирәләрен яңартып куйды. Гайния 80 яшен тутырган булуына карамастан, йорт тирәсендә чәчәкләр, яшелчә, бәрәңге үстерүдә әле бик актив. Ул туган җанлы, туганнары белән аралашып, ярдәмләшеп яшиләр. Кунакка килүче улы, оныгы, якыннарын сый-хөрмәт белән каршы ала.

Сәкинә НОТФУЛЛИНА, Вагай районы, Юрмы авылы.