Россия һәм чит ил хәбәрләрә

Подробности

Опубликовано 26.02.2016 13:41

Просмотров: 652

«Кризис кемгә күбрәк зарар китерә» дип Аргументлар һәм фактлар” газетасы үзенең 5нче санында сорау куя. Үзе җавап итеп: «Кризис аркасында байларга зыян юк, ул гади кешеләргә зарар китерә», - дип яза. Монда кем гаепле, дип сорау куя.

* * *

Кешелек дөньясын кызыксындырган мәсьәләләрнең берсе - этләрнең гомер озынлыгы. Соңгы күрсәткечләр буенча 1939 елда Австралиядә 29 яшендә үлгән Блюи исемле эттән соң аның яшен узган эт булмаган булса, хәзер Австралиянең Виктория штатында 30 яшьлек Мегги исемле эт табылган. Ләкин аның гомеренең озынлыгы буенча Гиннесның рекордлар китабына эләгүе икеле, чөнки аның  шунда яшәгән хуҗасы Брайннан Макларен этнең паспортын югалткан, тапмый икән.

* * *

2015 елда медикаментларның бәяләре бик нык күтәрелде. Интерфакс күрсәтүе буенча, Россиядә даруларга бәяләр 2014 елга караганда 22%ка артты. Декабрь аенда бәяләр 19%ка артты. Шулай да ел ахырында кайберсенә бәяләр арзанайды.

* * *

АКШ Президенты илнең конгрессы алдында чыгыш ясады. Шунда Барак Обама, беренче чиратта, АКШның бөеклеге турында: “АКШ дөньяда иң көчле ил. Без үзебезнең хәрби көчләргә бик күп чыгым түгәбез (башка 8 күрше илләрдән артык). Безнең хәрби көчләр тарихта иң көчле булып саналалар”, - диде.

* * *

Берләшкән Милләтләр Оешмасы (ООН) 2016 елда чит илләргә  качып чыгучы (беженцы) 13.5 млн кешегә АКШтан 7,7 млрд долларлык ярдәм күрсәтергә кирәклеген күрсәтте. Беренче чиратта Сириягә ярдәм кирәк, диде.

Төрле чыганаклардан Изил ГАРИФУЛЛИН туплады.