Мәчеттә никах укыттылар

Подробности

Опубликовано 06.04.2018 00:00

Просмотров: 850

Исәт районының Югары Егәнле авылына кергәндә яңа мәчет каршы ала. Бу мәчетне 2003 елда, авыл җирлеге башлыгы булып Наил Рафиков эшләгәндә үк төзи башлаганнар иде. Акча җитешмәү сәбәпле, төзелеш тукталып торды. Ә 2010 елда Төмән өлкәсе хакимияте төзелеп бетмәгән биналарны ахырына җиткерергә карар кылды. Бу вакыттагы башлыгыбыз Земфира Ихсанова оештырып, Үзәк мөселман дини идарәсе һәм өлкә хакимияте ярдәмендә яңа иман йортыбыз барлыкка килде. Әлбәттә, авылдашларыбыз да читтә калмадылар. Тантаналы рәвештә, дәрәҗәле кунаклар белән иман йортыбызның ачылуын бәйрәм иттек.

Хәзер мәчеттә һәр мөселман бәйрәмен үткәрәбез. Элек муллабыз Мәсхүд Айдаров булса, ул олыгайгач, 2017 елда имам һәм мөселман оешмасы җитәкчесе итеп тә Тәлгать Ихсановны сайладык. Аңа өлкәннәр дә булышалар. 3 март көнне мәчеттә Тәлгать имам никах уздырды. Кияү - авылыбыз егете Рушан Сабитов, кәләш - районыбызның Ишимский авылы кызы Римма Алиева иде. Ике яктан да кунаклар килгәннәр. Бәйрәм тантаналы шартларда бик матур булды. Яшьләргә никахлашу таныклыгы тапшырдылар. Алар күп котлаулар кабул иттеләр, киңәшләр бирелде.

Никах укытып яшәү ул – Аллаһының ризалыгын алу дигән сүз. Яңа тормыш башлау өчен моннан да зур фатиха юк. Әлеге фатиханы иман йортында алырга теләүчеләр өчен мәчет ишеге һәрвакыт ачык.

Ачилә ИХСАНОВА, Исәт районы, Югары Егәнле авылы.
(Гөлнур ВӘЛИЕВА тәрҗемәсе).