Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән шәһәренең Журналистлар йортында, халыкны шәһәрнең 428-еллыгы планы белән таныштыру максаты белән пресс-конференция узды.
Мәдәният департаменты директоры И.Алексеева шәһәр көнен башка елларга караганда тагын да күңеллерәк, бәйрәм шәһәрнең төрле почмакларында киң колач җәеп үтәчәген белдерде. Җаваплы оешмалар җитәкчеләре: яшьләр сәясәте һәм спорт буенча департамент директоры урынбасары С.Субботина, “Шәһәр китапханә системасы үзәге” директоры С.Молонок, “Төмән яшүсмерләр китапханәсе” директоры Н.Иванова, Төмән шәһәр татар мәдәният үзәге директоры Л.Кәримова, “Мимикрия” театры директоры Л.Лешукова,”Партнер-Инвест” сату оешмасы директоры Д.Чебыкин, “Мегафон” Төмән бүлеге кампаниясе менеджеры С.Захарова, «Vostok» отеленең маркетинг һәм сату хезмәте җитәкчесе М.Маркадеева катнаштылар. Алар журналистларга кайда һәм нинди бәйрәмнәр оештырылуын аңлатып, чыгыш ясадылар.
Төмәнлеләр ачык һава астында театрлар караячаклар. “Комсомольский” скверында быел яңа форматта “Город снов” урам арт-пространствосы барлыкка килеп, сквер зур театрга әйләнәчәк, төрле мастер класслар, ярминкәләр үтәчәк. Кунаклар: Испания, Германия, Санкт-Петербург, Мәскәүдән киләчәкләр. Шулай ук Романовлар турында спектакль куелачак. Төрле милләтләр катнашында җырлап-биеп тамаша күрсәтәчәкләр. Екатеринбург шәһәреннән чегән халкы артистларының ялкынлы чыгышлары көтелә. Заречный микрорайонының ял итү зонасында ел саен үткәрелеп килүче безнең традицион сабан туен да онытмаска кирәк. Үзәк директоры Л.Кәримова шәһәр бәйрәменең программасы белән дә таныштырып китте. Тик һава торышы гына әйбәт торып, яңгырлар була күрмәсен. Хөрмәтле төмәнлеләр һәм кунаклар, бәйрәмгә рәхим итегез!
Наилә САФИУЛЛИНА.
