Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Алинә Зәйнетдинова Яркәү авылы тамашачыларына гына билгеле булып калмый, аның исеме хәзер өлкәдә яңгырады. Алинә күптән түгел узган Яркәү районы “Таң йолдызы” балалар сәнгате бәйгесендә “Дәү әнигә бүләккә” дигән җырны башкарып 2нче урынны алган булса, өлкәдән килгән жюри әгъзалары аны 1 дәрәҗәдәге лауреат дипломы белән бүләкләп, “Таң йолдызы”өлкә конкурсының гала–концертына чакырдылар. Биредә ул Яркәү җырчылары арасыннан берүзе катнашып, Төмән тамашачыларының да мәхәббәтен яулады. Бу уңышлар, быел зур сәхнәгә яңа гына аяк баскан һәм 1 мартта 10 яшен зурлап бәйрәм иткән кызга, чынлап та зур бүләк булды.
Алинә 3нче сыйныфта “4” һәм “5”ле билгеләренә генә укый. Төп укудан башка ул музыка мәктәбенә дә йөри. Җитәкчесе Асия Боиштян аны җырларга һәм фортепианода уйнарга өйрәтә. Болардан башка Алинә эләктергеч (крючок) белән бәйләү түгәрәгенә йөри, хәзер ул матур бизәкле кулъяулыклар, оекбашлар, курчакларына зәвыклы киемнәр бәйли. Ял көннәрендә әнисенә өй эшләрендә булыша. Алинәнең киләчәге дә үзенең кул эшләре кебек уңышлар белән бизәлеп якты булсын, үзе бәхетле, сәламәт үссен.
Рәүфә КАНГАЗИНА.
