Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Калмаклар авылы халкы уңай эмоциональ кәеф булдырып, 20 октябрь көнне скандинавия йөреше буенча район фестивале кысаларында узган спорт чарасында катнашты. Авылның лаеклы ялда булган һәм сәләмәтлеге чикләнгән кешеләре, таяклар белән коралланып, Җиңү урамы буйлап 300 метр дистанцияне уздылар. Алар әле мастер-классларда скандинавия йөреше техникасының нигезләре белән дә таныштылар. Актив һәм кайгыртучан хатын-кызлар тырышлыгы белән скандинавия йөреше Калмаклар авылында елдан-ел популярлаша бара.
Бу турыда безгә Аслана күчмә мәдәният комплексы рәисе Ильяс Бакиев хәбәр итте. “Халидә Сәйфуллина турында аерым әйтергә кирәк. Ул көчле рухлы, актив, позитив тынгысыз, авылдашларының хөрмәтен һәм ихтирамын яулаган хатын-кыз. Менә 15 ел инде мөмкинлекләре чикләнгән кешеләрнең тормышын җиңеләйтү турында кайгыртып, алар белән төрле чаралар уздыра, аларның шатлык-куанычларын уртаклашып яши. Ул бик оста оештыручы. Авылдашларын теләсә нинди эшләргә күтәрә, рухландыра белә. Шулай ук ул авылның башлангыч ветераннар оешмасы бүлеге рәисе Майнур Зарипова белән дә элемтәне яхшы көйләгән”, - дип әйтә ул.
Узган чарада Халидә Исхак кызы скандинавия йөрешендә катнашучылар өчен төрле күңелле халык уеннары - «Чүлмәк вату», «Капчык киеп йөгерү», «Чигү» һәм «Йөзек салыш» балалар уены уздыра. Моннан тыш оештыручылар әлеге фестивальдә катнашучылар өчен башка күптөрле көтелмәгән һәм күңелле уен моментларын, баллы призлар әзерләгәннәр. Авыл спортчылары бу көнне сәламәтлекләрен ныгытып, позитив энергия алып, күңелле ял итәләр.
Әлегә йөрәк кушуы буенча яшәүче кешеләр янәшәдә яшәгәндә, кечкенә авылларда да тормыш гөрләячәк әле.
Рәүфә КАНГАЗИНА
