Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Быел Тубыл шәһәренең Александр бакчасында узган Сабантуй бәйрәмендә әниебез Айсылу Әбделман кызы Юнысовага шәһәр себер-татар мәдәният үзәге җитәкчесе Гөлфирә Шәмсетдинова “Татар халкының мәдәниятен үстерүдә күп еллык хезмәттәшлек күрсәткән өчен” дип язылган Рәхмәт хаты тапшырды. Шундый ук бүләккә ул үткән 2016 елда да лаек булды. “Кечкенә генә эшемә зур бәя биргәннәре өчен үзләренә зур рәхмәт. Бу хат туган көнемә бер зур бүләк булды бит”, - дип сөенде әниебез. Тубыл районы, Бәек авылында 10 балалы гаиләдә 3нче бала булып дөньяга килгән кызга тормышта әчесен-төчесен татырга да туры килә.
40 ел Тубыл районы судында, бигрәк тә үзгәртеп кору чорында, суд приставы-башкаручысы булып эшләү, әлбәттә, җиңел бирелмәде аңа. Шулай да ул үз вазифасын закон таләпләре буенча үтәп, Хезмәт ветераны исемен алып лаеклы ялга чыкты. Сайлаган һөнәре аннан көчле рухлы, җитез, кайвакыт кискен дә булырга таләп итсә, нечкә күңеле серле җыр-моң дөньясына тартылды. Һәм ул Тубыл шәһәрендә татар мәдәниятен күтәрү юәлешендә беренчеләр рәтендә булды. Бүген дә әниебез өлкә, Төмән, Тубыл шәһәрләрендә узган төрле мәдәни чараларда үзенең матур җырлары белән тамашачыларны сөендерә. Без аны туган көне белән котлап, исәнлек-иминлек, бәхетле озын гомер телибез.
Барлык туганнары исеменнән балалары.
