Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Язмам Киндерле мәктәбендә эшләгән Сәкинә Нотфуллина турында.
Сәкинә Тубыл педучилищесын тәмамлап, юллама буенча Канчәбер мәктәбенә эшкә килә. Бер елдан соң Киндерле егетенә кияүгә чыгып, 3 бала әнкәсе була. Язмыштан узмыш юк, дигәндәй, иптәшеннән аерылып, 3 бала белән туган авылы Юрмыга кайта. Эшендә һәрчак намус, төгәллек белән эшли, югары күрсәткечләр күрсәтә, Мәгариф отличнигы исемен яулап, лаеклы ялга чыга. Киндерле мәктәбендә аңа класстан тыш пионер оешмасы тапшырыла. Башка мәктәпләр арасында һәр елны ярышларда беренчелекләрне яулап барганы өчен өлкә комсомол комитеты Польшага ял итәргә путевка бирде. Ул 3 бала да тәрбияләде, мәктәптә дә эшен намус белән башкарды, бакчасында яшелчәләр утыртып кышкыга ризыклар да әзерләде, көзен урманда җиләк-җимеш, гөмбәсен дә җыярга өлгерә иде. Сәкинәне укучылары, аларның ата-аналары, авыл халкы һәрчак сагынып искә алалар. Ул беркайчан да гайбәт ашамады, кеше белән әрләшмәде, дөреслекне, төгәллекне яратучы булды. Күптән түгел олы улы Ришатны югалтып авырып та алды. Оныклары барысы да югары белемлеләр, дәрәҗәле урыннарда хезмәт итәләр. Кечкенә улы Айратның кызы белән улы югары уку йортларында укыйлар, өченчесен алып кайттылар.
Сәкинә Рәхмәтулла кызы яшьтән үк ятим калып, энесе белән Тубыл балалар йортында тәрбияләнә. Тормыш юлында күп кенә авырлыклар кичерә, ләкин картлыгы бәхетле үтә. Юрмыга кайткач, балаларыннан рөхсәт сорап Насыйбулла исемле кешегә кияүгә чыга, тормышында шатлыклы, бәхетле мизгелләр кичереп яши. Иптәше аңа зур таяныч булып, авырлыклар күрсәтмичә, Сәкинәне үз иркендә яшәтте. Иптәшенең вафатына 3 еллап инде, урыны җәннәттә булсын. Сәкинә! Ходаем сиңа тагы да гомерләр биреп, балаларыңның игелеген күреп, сау-сәламәт булып яшәргә насыйп итсен.
Динара ХӘБИБУЛЛИНА.
