Фоторәсемдәге кеше язмышлары

Подробности

Опубликовано 23.10.2015 00:00

Просмотров: 827

Инде бер ел үтте. “Яңарыш”ның 19нчы санындагы (2014 ел) Ф.Вабиеваның (“Саил бабай истәлекләре”) мәкаләсен укып, яшьлегемә кире кайттым. Саил абыйның абыйсы Әхмәтсыя абый, сугыштан исән-сау кайткач, фотога төшерә торган иде. Ничек объективка дөрес карарга өйрәтеп, безне дә фотога төшерде.

Үзләрен танучылар булыр, дип газета аша тәкъдим итәм. Уртада Саил абый, янында китап тотып торучы мин (Айнихәят), Разия Алеева, Саил абыйның энесе Римс, кечкенә кыз – Нәсимә. Сул яктагы ике хатын–кызны оныттым. Алар янындагы кыз – Рабига.

Мине Тубыл шәһәренә укырга өндәп, юл күрсәтүче Галия апа Мировалеваның кызлары – Рабига белән Нәсимә. Соңыннан Галия апа Лаемтамак мәктәбендә эшләп, лаеклы ялга чыккач, укытучылык чылбырын кызлары дәвам иткән, алар да ялга чыккач, мөгаллимлекнең чылбыр ялганышы Галия апаның кече кызы Нәсимәнең баласы Маратка күчә. Аның тормыш иптәше дә интернатта тәрбияче. Бәлки, мөгаллимлек чылбыры Марат Хәмидулла улы Биктимировның балаларына да буыннан-буынга ялганып барыр.

Фатыйма сеңлем, язганыңа рәхмәт. Сине юбилейлы туган көнең белән котлыйм. Исәнлек-саулык, эшеңдә уңышлар, уйлаган уйларың, теләгән теләкләрең тормышка ашсын.

Туган җанлы, игътибарлы,
Һәр кешегә ярдәм итәсең.
Игелекле эшләр эшли-эшли,
Гомер йомгакларын сүтәсең.

Хәят ЗӘЙНЕТДИНОВА, Вагай районы, Юрмы авылы.