Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән районы, Талымхан авылы мәдәният йортында Өлкәннәр көненә багышланган бик матур бәйрәм булды. Бәйрәмне алып баручы ачык йөзле, татлы сүзле мәдәният йорты директоры Раиф Сабиров әби-бабайларга исәнлек-саулык, тыныч картлык, бәхет теләде. Авылыбызның лаеклы ялга чыккан иң өлкән татар теле укытучысы Мәүлидә апа Сәитова тамашачыларны матур сүзләр, шаян шигырь белән котлады. Композитор И.Сафинның “Барбарис” инструменталь ансамбле милли көйләр һәм җырлар башкарды. Җырчыларыбыз Камил Газизуллин, Ислам Сафин һәм Раиф Сабиров “Яшь наратлар” җырын башкардылар. Өлкәннәребез бик яратып тыңладылар. Наилә Мөхәммәтъярова үзенең моңлы көчле тавышы белән ике җыр, китапханәче Рауза Азанова яраткан җырларын бүләк иттеләр. Фатыйх Мөхәммәтъяров та баянда уйнап алды, ә Нәфисә Зәлилова шаян шигырен сөйләде, әбиләр яшь чакларын искә төшереп җырлап-биеп алдылар.
Түбән Тәүде районы, Киндерле авылыннан Талымхан кияү (авылда күптән яши) бик оста итеп төйдереп биеп алды.
Мул итеп өстәл әзерләгәннәр, чәйләр эчтек, ә бәйрәм алдыннан “Ясень-Агро”оешмасы директоры П.Табанаковтан өлкәннәргә бүләкләр тапшырылды. Кызганыч, авылдан өлкәннәрне котларга бер түрә дә кермәде.
Өлкәннәр бәйрәмен оештыручылар Раиф Сабиров, Ислам Сафин, Гөлнур Хәкимова, китапханәче Рауза Азанова, мәдәният йортында эшләүче Гөлфинур Сабирова һәм башкаларга рәхмәтләребезне белдерәбез.
Әмир ЮСКАЕВ, Төмән районы, Талымхан авылы.
