Усак кайрысы

Подробности

Опубликовано 06.07.2018 00:01

Просмотров: 1079

Дәвалану өчен усакның кайрысы, бөреләре һәм яф­рак­лары файдаланыла. Алар­ның барысы да бөрештергеч һәм кан туктата торган сыйфатларга ия. Усакның кайрысы – иң кыйм­мәтлесе. Аның составында зур күләмдә полулин, салицин һәм дуплау матдәләре бар. Тикшере­нүләр барышында усак кайрысында аспирин­ның табигый алмаштыргычы булырдай матдәнең барлыгы ачыкланган.

Усак кайрысы халык медицинасында сидек куыгы авыруларын: сидек тотмауны, циститны һ.б. дәваларга ярдәм итә. Шулай ук ашказаны һәм эчәклек, гемморойдан да файдасы бар. Кайрыдан ясаган төнәтмә ютәлне баса, аппетитны ача, тән температурсын төшерә.

Нерв системасы эшчәнле­ге бозылганда, шикәр чире күзәтел­гәндә дә усак кайрысы файдалы. Моның өчен 1 стакан вакланган кайрыга 3 стакан кайнаган су салып, ярты сәгать дәвамында кайнаталар, аннан төреп, алты сәгать ти­рәсе төнәтәләр. Әзер кайнатманы 3 аш кашыгы күлә­мендә ашарга ярты сәгать кала эчә­ләр. Зарарланган буыннар, шикәр чире кебек катлаулы авыруларда дәвалану курсы ике айга кадәр сузылырга мөмкин. Шуннан соң бер ай ял итеп алырга һәм курсны тагын кабатларга була.

Спирт катнашмасында тө­нә­телгән усак бөреләре алтын (золотистый) стафилококк кебек бик катлаулы бактерия­ләрне дә бетерә ала. Төнәтмә түбәндәгечә эшләнә: 200 г чималга ярты литр спирт катнашмасы салына. Яхшылап ябып, караңгы урынга ике атнага куела. Әзер даруны ашарга ярты сәгать кала 20 тамчы күлә­мендә эчәләр. Шунысы да бар: даруны билгеле бер вакытларда һәм һәр көнне эчәргә кирәк. Дәвалану курсы – 3 ай. Нәти­җәдә организм яңарачак, бик күп чирләр юкка чыгачак.

Усак кайрысын апрель-май айларында җыйсаң яхшы. Бу вакытта сок бүленеп чыгу процессы башлана. Чималны җыю өчен кайрының калынлыгы 7 миллиметрдан артмаган яшь үсен­теләр сайлана. Соңыннан аларны киптерәләр.

Тик шунысы бар: усак кайрысы эч катуга китерергә мөмкин. Моңарчы да эч катудан интек­кәннәргә аның белән сак булырга киңәш ителә.

“Ватаным Татарстан”.