“Төмән өлкәсен сайлыйм” проекты

Подробности

Опубликовано 12.08.2016 15:51

Просмотров: 614

Мирабо УТЕШЕВ, профессор, техник фәннәр докторы, РФнең югары һөнәри белем бирүнең мактаулы хезмәткәре: “Томск югары уку йорты аспирантурасында укыган һәм заводта эшләгән яшь белгеч вакытымда фәнни җитәкчем артыннан Төмән индустриаль институтына килдем. Ректор А.Косухин шәһәр үзәгендә, бу уку йортында диссертациямне яклап, эшкә каласымны шарт итеп куеп, фатир тәкъдим итте. Мин вәгъдәмне үтәдем – лаборатория ачтым, тикшеренүләрем һәм приборлар халык хуҗалыгы уңышлары күргәзмәсендә (ВДНХ) югары билге алдылар. Чит илләрдә эшләргә чакырулар килде, тик мин беркая да китмәдем. Чөнки бу төбәктә беренче адымнарымнан башлап яшь белгеч һәм әти өчен кирәкле барлык мөмкинлекләр дә бирелде. Балалар балалар бакчасы һәм мәктәпкә йөрделәр. Өлкә хакимиятенең төрле яклап ярдәме белән күп проектларым тормышка ашырыла, фәнни биеклекнең югары баскычларына мендем.  Төмән өлкәсе ул вакытларда да, хәзер дә ачышлар, зур үсешләр өчен уңай төбәк булып тора.

Бала һәм яшүсмер чагым Томск өлкәсенең бер авылында үтсә дә, илле елдан артык мин Төмән өлкәсендә яшим. Һәм шул еллар эчендә күпмилләтле төбәктә һәр халыкның тарихи һәм мәдәни рухи байлыкларын сакларга, үстерергә омтылуларына гаҗәпләнәм. Мәчетле авыллар да шактый. Татар концертлары еш килә, мәдәни клублар, оешмалар эшли”.

«Тюменская область сегодня» газетасындагы материалдан Гөлнур ВӘЛИЕВА тәрҗемәсе.