Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Вагайда үткән өлкә Сабан туенда абсолют батыр исемен яулаган Идияс Мәүлетов бала чагыннан грек-рим көрәше белән шөгыльләнүче спорт мастерына кандидат. Көрәш серләренә аны тренеры Тимур Сагитуллин өйрәтә.
- Мин көрәшкә 6 яшемнән йөри башладым. Тимур абыйда шөгыльләнү нәтиҗәләре буенча спорт мастерына кандидат дәрәҗәсенә ирешкәч, Төмән өлкәсе җыелмасына (сборный) алдылар. Шунда грек-рим көрәшеннән тренерым Алмаз Миннебаев, татар көрәшеннән Әбделхак Миннебаев булды. Ике мәртәбә билбаулар белән көрәш буенча Россия чемпионатында катнаштым, икесендә дә өченче урын алып кайттым, - дип әңгәмәне башлады ул.
- Көрәш тормышта булыштымы?
- Тормышта мин тыйнак, тәртипле, сәламәт яшәү рәвеше алып баручы кеше. Бу сыйфатларга мин көрәшкә йөргәнгә ирештем. Армиядә Курил утрауларының Кунашир дип аталганында хезмәт иттем. Анда да физик яктан әзерлекле булу нык булышты.
Хыялым спорт мастеры булу иде, тик сәламәтлегем какшау сәбәпле, даими ярышларда катнашу турында онытырга мәҗбүрмен. Шуңа да карамастан, Сабан туендагы көрәштә ел саен катнашам.
Идияс нефть һәм газ университеты колледжында нефть һәм газ скважиналары операторы һөнәрен үзләштереп, читтән торып укуын дәвам итеп, югары белем алырга омтыла. Үз машинасы белән кибетләргә тортлар тарата. Бәхетле гаилә учагында сөекле улы үсеп килә. “Аны да киләчәктә көрәшче итеп күрәм”,- ди Идияс.
Гөлнур ВӘЛИЕВА.
