Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Күптән түгел «Илһам» яшь инвалидлар төбәк иҗтимагый хәрәкәте оешмасы һәм «Иске Зарека» ветераннар оешмасы вәкилләре Төмән районының Борки авылындагы балалар йортында булып кайттылар. Бу күңелле очрашу Төмән өлкә Думасы депутаты Ольга Швецова һәм «Лайф+» реклама агентлыгы директоры Виталий Красноштанов ярдәме белән оештырылды. 6 кешедән торган делегация балалар йортында тәрбияләнүчеләр белән очрашып, аралашып, үзләре белән алып килгән бүләкләрен тапшырдылар.
Сәламләү сүзләре белән «Илһам» оешмасы вәкиле Тимур Нигъмәтуллин һәм «Иске Зарека» ветераннар оешмасы рәисе Рәсимә Давшина чыгыш ясадылар. Аннары делегация әгъзалары балалар белән якыннан аралашып, аларның киләчәктә нинди һөнәр ияләре булырга теләүләрен сорашып, хыяллары, тормыштагы максатлары, өметләре белән кызыксындылар. Балаларның берсе төзүче, икенчеләре полиция хезмәткәре, табиб, укытучы булырга теләүләрен әйттеләр. Арада хәтта үз эшен ачарга уйлый торган пешекчеләр дә барлыгы ачыкланды. Һәр баланың ирешергә омтылган үз максаты булганын кунаклар хуплап, киңәшләрен, теләкләрен әйттеләр. Бу чарадан һәркем канәгать калды һәм киләчәктә мондый очрашулар даими рәвештә оештырылып торыр дигән уртак фикергә килделәр алар.
- Без балалар йортына айга бер тапкыр барып, балалар белән аралашып торачакбыз. Хәзер алар өчен өлкәннәр белән аралашу, безнең ярдәмебезне, теләктәшлегебезне тою - бик мөһим. Аларда кешегә ышану хисе барлыкка килә, - дип сөйләде Тимур Нигъмәтуллин.
Рәүфә КАНГАЗИНА
