Мөрәҗәгать итү һәм котлаулар бирү өчен электрон адрес:
janartat@inbox.ru,
телефон:
8 (3452) 69-57-60.
Добраться до нас можно на автобусах маршрута:
6, 32, 34, 37, 48, 51, 65, 69, 77, 78, 135к, 135м
(остановка «Автоколонна №-1228», «Школа №-39»)
ул. Шишкова, 6, 2 этаж
Төмән шәһәренең Яр буенда уздырыла торган чыгарылыш кичәсе - Төмән шәһәренең Мәгариф департаменты тарафыннан хупланган менә дигән традиция. «Саубуллашу вальсы» - бәйрәмне тагын да тантаналы итә торган йола, ул узып баручы мәктәп елларын һәм яңа олы тормыш юлы башлануын символлаштыра. Бәйрәмдә катнашырга теләүчеләр саны елдан-ел арта бара.
18 июнь көнне Төмән шәһәренең Яр буенда узган чыгарылыш кичәсе быел да шәһәр мәгариф департаменты, «Регион-Төмән» теле-радио компаниясе, Төмән шәһәре хакимиятенең мәдәният департаменты, кулланучылар базары департаменты, спорт һәм яшьләр сәясәте департаменты ярдәме белән оештырылды. Проектның партнеры: «Адмирал» Төмән суднолар йөрү компаниясе.
Чыгарылыш сыйныф укучылары вальсын быел 700дән артык укучы башкарды. Шулай ук чара тарихында беренче тапкыр балалар әти-әниләре белән бергә биеделәр.
Традиция буенча, чара 1941 нче елның мәктәп балыннан соң ук сугышка киткән чыгарылыш сыйныф укучыларын искә алу митингыннан башланды. Ул «Саубуллашу скверы» һәм «Төмән – җиңүчеләргә» барельефы янында үтеп, укучылар һәйкәлгә чәчәкләр салдылар. Һәм сугышта һәлак булган яшьтәшләрен бер минут тынлык белән искә алдылар. Аннары чыгарылыш сыйныф укучылары яр буена төшеп, анда мәктәп вальсы биеделәр. Әлеге чара укучылар, укытучылар, ата-аналар һәм кунаклар күңелендә онытылмаслык тәэсирләр калдырды.
Рәүфә КАНГАЗИНА
